Malakae 1:14 - mzwDBL

¹⁴ Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”

Malakae 1:14 Referans Kwoze

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

Malakae 1:8

Koranar Bwa Kooro ŋɔ, “He kpɔ kondɛɛra aa nyoŋa, ne anɔ la aa wola won valɛ, dɛ anɔ la bwara aa dɛ wea ba ɛ saraha tɛ mɛ naa, a ta wechɔɡa ɛɛ yaa? He kpɔ ɡɛ kwaa nɔ ka tɛ he harɛ nomoa aa, aa do o somee yaa? O sie ɛɛ lɛ he nɛɛ dɛ ɛ he wesoŋa tɛ heya aa?

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Amanesoma Luk Aa Chwera Tɔn 12:46

Tɔpebeŋkpoŋii o dɔɔ ɛɛ ba bala ba piɡru, ásɛ dɛ ba tɛr o deŋne taeh kɛŋɔ baa dɛ ɛ nɛra baa wola Korowii yarada la ken.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Sekaria 14:9

Korowiirii dɛ́ ɛ kooro awola tɔpere la harɛ nɔ bwa ta. Nomɛlbwa ɛɛ dɛɛ tomɔɔ, dɛ́ jemɔ dɛɛ yerɛ o ɡbo sɔn.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Yela 76:12

O dɛ sɔɔh koranar bambikpeɡ nyoa, koranar baa lɔ harɛ nɔ ta bwa dɛ ɔmɔ.

Yela 47:2

Nemenɛ Korowiirii ɔma kohona, onee koojen waa dɛ nyiŋi harɛ nɔ bwa ta.

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

1 Timoti 6:15

Dɛ o tɔpere baa telaa, Korowii ɛɛ ɡeloo ó berɛ ba. Korowiirii chɛ kpɛɛra. O ɡboo ɛ komɛlbwa nyu. Koranar Bwa Kooroo on, asɛ dɔɔranar bwa ɡe Dɔɔree on.

Daneɛl 9:4

N soŋe Korowii maa dɛ tomɔ, dɛ bol n nɛra wechɔɡa ŋɔ, “N Naa Korowii, he kan dɛ do ɔma kohona. He dɛ teŋɛ he fɔo ta, dɛɛ baɡle he nyina aa wola jaɡa dɔe nɛra baa dɛ nyini nɛ. Ba dɛ teŋɛ waa haa dɛ do ba ta la ta.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Jeremia 48:10

Kórowii taah nomɛlbwa waa wola o toma ɛ bambile bwa ne la! Nomɛlbwa waa kwaa o tokobi cheɡ ŋɔ waa kpɔ kpo nɛn la, Kórowii taahno!

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Mmarare 28:58

Dɛ he ta duure kpɔe tɛ Korowii kɛrɛdɛ, dɛ no waa bwa aa lɔ tɔn nɔ bini nɔ, dɛ ɔmɛ o jirima ne o sɔnjen la aa,

Mumpar 27:12

dɛ n mɛɛ kaa laɡ mɛ dɛ kpɔ nɔn valɛ n bwara aa, aa ka ɛ kɛŋɔ neɡraa mɛɛ neɡro wa aa? Taahna kwaraa wɛɛ ba n taahna, dɛ́ ɡel andɛɛɡa soŋa dɛ́ tɛ mɛ.”

Amanesoma Mak Aa Chwera Tɔn 14:8

Anla waa won ɛ laanee o ɛ la. N huɡa laalee o pu sie dɛɛ kpɔ dɛ fuɡe nosɔɔhsoma dɛɛ ta n nɛɛ la.

Matiu 24:51

dɛ́ tɛr o deŋne taeh, dɛ́ doŋu ka pu nɛra baa dɛ nyiŋi nɛra siebɔr mɔɔ dɛɛ ɛ waa la. Belaa wɛɛ ba doe dɛɛ wi dɛɛ na weweele.”

Matiu 5:35

He bɛ harɛ ŋwɛɛ, o natiɡribɔree. He bɛ bwɛjen Jerusalam ŋwɛɛ, Koojen bwɛɛ bela.

Malakae 3:9

Nyotaahna lawɛ he Israel tena bwa, dɛkalkɛ he dɛ ŋwɛɛ mɛ.

Yela 95:3

Dɛkalkɛ Korowii dɔ kpeɡri kohona, onee dɛɛ di kora voɡare bwa nɛ.

Yela 68:35

Korowii le o Dea dɛɛ ba naa, ɔmee kohona dɛ chole nɛra nɛ. Onee Israel tena ɛɛ tomɛ, wɛɛ tɛɛ ba kpeɡri. Hé kpɛɛro!

Yela 48:2

Korowii Saayɔn Bwejen wer, dɛ do jaŋne kohona, koojen la bwɛjen kpɔ silɛɛ baa tɛ harɛ nɔ ta nɛra bwa.

2 Samoɛl 24:24

Asɛ kooro chaŋo ŋɔ, “Akai, n ta cheɡɔɔ kɛ ń bɔe o kem. Maa kwaa kpo dɛ́ fuah ɛ saraha tɛ Korowii maa dɛ tomɔ pɛɛpɛɛ maa wola kem bɛlbwaa bɔ.” Anomanta, o yawɛ mea lɔ bɔr la ne nabala la bwa suuɡapoŋa fifraanue.

Jeremia 46:18

N ŋwɛɛrɔ kɛŋɔ men Koranar Bwa Kooro aa lole saŋ bɛlbwa nɔ, menee kooro. Gɛ Tabɔ Bwejen aa jaŋa ɡwaa bwejena bwa asɛ Kaamɛl Bwejen ɡe do jaŋne che mpo nyoa la, ɡɛɛ nɛn waa ba yo heyaa la kpeɡri ɛɛ ba doe.

Jeremia 48:15

Moab harɛ dɛ ba chɔɡa, ásɛ o dɔma lɔ ba tɔ o bwɛɛre ta. Baa kpoo o bonɔndɛɛɡa bwaa, men Koranar Bwa Kooro maa ɛ kooro laanee bola.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Malakae 2:1

Koranar Bwa Kooro ŋɔ sɔfore la be ŋɔ, “Hé no, waa maa kpɔa dɛɛ tɛ heyaa laanee kɛŋɔ,

Yela 47:3

Onee ɡela ya yo harɛre nɛra, dɛ pɔ ba nɛ, ba ba do ya lɔɡa.

Yela 47:8

Korowii soɡe o kookara waa do ɡoroŋ ta, dɛɛ di kora harɛre nɛra bwa nɛ.

Yela 102:16

Wɛɛ berɔ ba kwaa ma bwɛjen Saayɔn ja, ásɛ dɛ forɛ le o jirima ne.