Maeka 7:9 - mzwDBL

⁹ Ya ɛ wechɔɡa dɛ jo Korowii nɛ, anomanta, a chɛ kɛ yá na o bandia tama mɔɔ. Wɛɛ lɛ yaa dɛ́ le chɔɡre baa kpɔa ɛ yaa la ta. Wɛɛ lawɛ yaa ba bɔchaah ta, ásɛ ya na toɡra o wa aa toɡra.

Maeka 7:9 Referans Kwoze

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

Yela 37:6

Wɛɛ che toɡra he wa aa toɡra taa, ásɛ he kasinteŋ dii do kɛ nii, dɛɛ chaah kɛŋɔ webaŋa ken.

1 Samoɛl 24:15

Korowiirii dɛ́ bol n ne he baah waa dɛ́ na naate waa di bolchɔɡe. Onee dɛ́ nyiŋi waa nɔ ta ásɛ dɛ cha mɛ, dɛ́ lɛɛ mɛ le he nɔn ta.”

2 Timoti 4:8

Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Yela 43:1

N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.

Yela 7:6

N Naa Korowii, ɡel he baah di. Kpɔ ba che n dɔma ba baah aa di n nɛɛ kohona la nɛ. Ir nyu ne tɛ mɛ, dɛ́ pa bole.

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.

2 Samoɛl 24:17

Kooro Devid aa na ɡɛ nyundua torome la aa dɛ kpoo nɛra la, o soŋe Korowii ŋɔ, “N Naa Korowii, menee ɛ wechɔɡa dɛ di bolchɔɡe. Nɛra nɔ baa do kɛŋɔ peera nɔ laa ɛ waane. Kpɔ deŋnetɛra bɛlbwa ba ta n ne n haahna ne bii nɛ, dɛ́ ɡel he nɛra Israel tena.”

1 Samoɛl 26:10

Dɛ berɛ ŋwɛɛ ŋɔ, “Korowii aa lole nɔ, dɛ o seo tɔpere ta tele o sewɛ, kɛɛ o sewɛ laa ta naa, Korowii ɡbabirii dɛ́ kpoo.

1 Samoɛl 25:39

Devid baa no kɛ Nabal sewɔ, asɛ o ŋɔ, “Korowii jam kɛŋɔ waa bɔ Nabal kem n chɛɡa waa chɛɡ mɛ wa, asɛ o ta ɡelɛ men maa ɛ o bonɔɔ ɛ wechɔɡa bɛlbwa nɔ. Korowiirii tɛr o deŋne o wechɔɡa waa ɛa waa la.” Asɛ Devid tomɛ ba ka ŋɔ Abiɡel be ŋɔ o dɛ nyinu dɛ́ mo.

1 Samoɛl 3:18

Anomanta, Samoɛl bol waa la bwa baɡlo, o ta bɛlbwa kpɔe sɔɔh. Ate Eli ŋɔ, “Onee Korowii, ɡel o ɛ waa aa too o tea.”

Lewi Dea Tena 26:41

dɛ ɡel n baah di ba nɛ, dɛ kpɔ ba ka ta ba dɔma harɛ ta ŋɔ ba ka bela. Ba baa charɛ ba liire dɛ jemɛ kɛŋɔ ba ɛ deŋnekpeɡ aa,

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Yela 94:15

Waa bola dɛ́ pa bole aŋwɛnɛ ta ɛɛ berɔ do le, ásɛ nɛra ba wa aa toɡra ɛɛ teŋɛ a ta.

Yela 119:154

Bol n waa tɛ mɛ, dɛ́ lɛɛ mɛ. Kpɔ nɔn tɔ n nɛ, ɡɛ haa baɡ mɛ nyoa la.

Aesaya 42:7

Hɛɛ ɡeloo nyoŋa sibie pili, ba won dɛɛ na, ne banɔ la baa do ba dea, ba do biro tenten ta.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 56:1

Korowii ŋɔ o nɛra be ŋɔ, “Hɛɛ bol waa aŋwɛnɛ ta dɛɛ ɛ waa aa toɡra. Lɛɛ maa dɛ ba ba lɛ heyaa la telo. Nɛra ɛɛ nao ɡɛ n waa aa toɡra.

Jeremia 10:19

Jerusalam tena dɛ dooɡe lɔŋɔre ŋɔ, “Ya na wa, bola baa do yaa wa! Yaa won chah ya ŋwɛra! Ya liiro kɛ yaa koh ya weela taa, kɛ yaa le a nyoa.

Jeremia 51:10

Korowii bol o nɛra be ŋɔ bá do lɔŋɔre ŋɔ, “Korowii ta yaa tɔɔ, Hé ba, ya la Jerusalam ka bol waa Korowii yaa dɛ tomɔ aa ɛa.”

Job Tɔn 35:14

Job, dɛ ɡɛɛ yaa, ɛrɛɛ Korowii ɛɛ ba he be noe, a ba ɛ kɛŋɔ haa ŋɔa ŋɔ haa on na nɔɔ? He waa chɔ o sie, a chɛ kɛ he lawɛ bambile dɛɛ kpao.

Aesaya 51:22

Nemenɛ Korowii haa dɛ tomɔ wɛɛ che he habɔɔ la ŋɔ, “Hé na, n lɛ n danana nee numol haa nyɔ o bini sen dɛɛ la le he nɔn ta. Haa anee nyɔ kpa bwa.

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.