Maeka 7:6 - mzwDBL

⁶ Bibaa ne o mɛɛ ɛɛ dɔmoo, bihaah ne o nya dɔm, ásɛ bihaah ne o helahaah ɡe dɔm, ásɛ nɛn lolanar berɛ o dɔma.

Maeka 7:6 Referans Kwoze

Amanesoma Luk Aa Chwera Tɔn 12:53

Mɛɛnanar dɛ ba ba bibaala haeh, ásɛ bibaala ɡe hah ba mɛɛnanar. Nyare ɛɛ hah ba bihaahnaa, ásɛ bihaahna hah ba nyare. Haahna ɛɛ hah ba bii haahnaa, ásɛ ba bii haahna hah ba.”

Matiu 10:21

Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba.

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Ɛsekeɛl 22:7

Nomɛlbwa toole bwɛjen la ta dɛɛ duu o nya ne o mɛɛ. Ba dɛ faah nɛŋhɔɔhra, baa luhaahna ne bilalbii ɡe waa lii.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Sɛɡla 30:11

Nɛra bane dɛ taah ba mɛɛnanar, baa andɛɛɡa sweerɛ dɛɛ tɛ ba nyare.

Amanesoma Luk Aa Chwera Tɔn 21:16

He mɛɛnanar ne nyare, ne he dɔɔranar ne nimanar, ne he lolanar dɛ daamanar ɛɛ le heyaa tɛ ásɛ ba kpoo he bane.

Matiu 26:23

Yeesu chaŋ ba ŋɔ, “Naate n ne waa pɛ nɔn hɛna beŋkpoŋ bini laanee.

Obadia 1:7

Nɛra he ne baa fɔwɛ fɔo ɛɛ le he ne he harɛ taa. Baa neɡre heyaa, dɛ́ pɔ he nɛ. Daamanar he ne baa pɛ nɔn di kwaa ɛɛ harɛ heyaa belii haa wola jemɛ.”

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Jeremia 12:6

He dɔɔranar ne nimanar, dɛ he ɡbabir lolanar lee tɛ, ba taa cheɡɛ chiŋ baa mooli. A lole kɛŋɔ he ne ba bol waa dɛɛ mamɛ, kɛ dɛɛ berɛ ba yaradae.”

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

2 Samoɛl 16:11

Belaa Kooro Devid ŋɔ Abisae ne o nomonome la bwa be ŋɔ, “N bilole ɡbabir dɛ nyin mɛ dɛ́ kpo, ɛrɛɛ he ɡel Bɛnjamen dea nɛn nɔ wa ɛɛ ɛɛ nyokpoa ɔ? Hé ɡelo wɛɛ taah, Korowiirii tɛo ŋwɛnɛ.

Mumpar 49:4

He we-ɛɛla do kɛŋɔ nehɛma, he jirima tonɔ. Dɛkalkɛ he lawɛ n hanɛɛte chɔ n chɔɔbɔr, dɛ kpɔ doŋa kah mɛ.

Aesaya 9:19

Koranar Bwa Kooro bandia nomanta, o deŋnetɛra do kɛŋɔ nii aa dɛ fuh harɛ la ta bwa, dɛɛ fuh nɛra. Ásɛ nomɛlbwa aa o dɔŋ sumii na kpa.

Jeremia 9:4

Hɛ́ɛ nyiŋi he daamanar kɛrɛdɛ, dɛɛ berɛ he hwɛɡa kpɔe do he lolanar nɛ, dɛkalkɛ ba bɛlbwa ɛ nyosonteŋni, asɛ daamanar ɡe ɛɛ chɔɡ dɔŋa.

Aesaya 3:5

Nɛra ɛɛ dɛɛ fiiɡi dɔŋaa, nɛn pu o dɔŋ dɛɛ yo, chamenate ne o chamenate ɛɛ yo. Bechale aa ba nomonomee duu, nɛnsale ɡe aa nɛra baa dɔ nyanyinii kpɔ ɛ wobɛlbwa.