Maeka 6:1 - mzwDBL

¹ Israel tena, hé no waa Korowii aa dɛ bol. “Hé ir, dɛ́ kpɔ he waa ka bil bwejena ne deŋɡarere sie.

Maeka 6:1 Referans Kwoze

Jeremia 22:29

Harɛ nɔɔ dɛ́ ɛ danseɛ dɛ́ cheɡ deŋne dɛ́ no Korowii waa waa bola.

Mmarare 32:1

Waa aa lɔ Mosis yel la bini laanee nɔ. “Nyundua ne harɛ hé no n be, hé cheɡ deŋne dɛ́ no waa maa dɛ ba bola nɔ.

Maeka 1:2

Hé no, nɛra haa lɔ harɛ nɔ ta bwa, ne komɛlbwa waa lɔ harɛ nɔ ta. Nemenɛ Korowii le o Dea waa do ɡoroŋ nyundua dɛɛ ba dɛ́ ba bol waa bɔ heya.

Ɛsekeɛl 36:1

Korowii ŋɔ men Ɛsekeɛl be ŋɔ, “Nɛwɛnyini bie, bol Israel bwejena be waa aa dɛ ba a nɛɛ bala, ŋɔ á no waa Nemenɛ Korowii aa dɛ bol a be.

Yela 50:4

O ŋɔ nyundua ne harɛ di danseɛ kɛŋɔ nɛra, ásɛ o bol o nɛra wa, dɛ́ pa ba bole.

Mmarare 4:26

Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.

Ɛsekeɛl 36:8

Kɛ daa aa lɔ Israel bwejena dor ɛɛ berɔ moɡɛ, dɛ́ nɔnɛ kohona á ɛ kondikwaa tɛ n nɛra Israel tena, dɛkalkɛ aa biɡri n berɛ ba ba ne dem.

Aesaya 1:2

Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.

Amanesoma Luk Aa Chwera Tɔn 19:40

Anee Yeesu ŋɔ ba be ŋɔ, “Dɛ ba helaa, bwea kwara ɛɛ mooluu.”

Yela 50:1

Nemenɛ Korowii waa dɔ kpeɡri kohona yerɛ nɛra baa lɔ harɛ nɔ ta bobɛlbwa ba cheme, le wee leebɔr ba kaa wee cholibɔr.

Maeka 1:4

Asɛ bwejena bwa mwɛɛ o lɔɡa, kɛŋɔ tohkel aa chɔŋɛ nii ta, dɛ palɛ dɛɛ jo fɛlembɔjena bini kɛŋɔ bɔchuubu ken.

Ɛsekeɛl 37:4

Anee Korowii ŋɔ n be ŋɔ, “Bol hoɡa la be, waa aa dɛ ba a nɛɛ bala. Ŋɔ á cheɡ deŋne dɛ́ no men Korowii wa.

Jeremia 13:15

Israel tena, Korowiirii bol waa la. Hé cheɡ deŋne dɛɛ no o be, he bɛ deŋnekpeɡ ɛ.

Emɔs 3:1

Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.

1 Samoɛl 15:16

Ate, Samoɛl ŋɔ o be ŋɔ, “Gel, ásɛ n baɡle waa Korowii aa bol n be dɛ jwaana ne.” Anee Kooro Sɔɔl ŋɔ, “Bol ń no.”

1 Samoɛl 12:7

Name, hé che bonɔ, ásɛ n ɡel Korowii bol he be hé jemɛ nyokpowe-ɛɛla waa ɛa dɛ́ lɛ he ne he naawa la.

Maeka 5:15

Mɛɛ kpɔ n bandia kohonaa ba ta harɛre nɛra baa wola n waa ta teŋɛ la nɛɛ dɛ́ chɔɡ ba.”

Maeka 6:2

Bwejena ne kwaa bwa haa le saŋ la bwa do le dɛ lawɛ harɛ kpoŋe ɡe, hé no. Korowii ne o nɛra Israel tena dɔɔ, wɛɛ ba ba waa bola dɛ́ pa bole.

Aesaya 3:13

Korowii soɡo dɛ́ bol nɛra wa. O kpɔ o te dɛɛ ba o nɛra waa bola dɛ́ pa bole.

Ɛsekeɛl 6:3

‘He bwejena ne deŋɡarere, hé no Nemenɛ Korowii wa. O ŋɔ o dɛ ba laa ne dɛ́ ba chɔɡ bwejena ne deŋɡarere, ne bwea ŋwɛnɛre aa chɔ a baahna, ne fɛlembɔjena voɡare aa lɔ a ta nɛra ɛɛ toma la bwa.