Maeka 5:1 - mzwDBL

¹ Jerusalam tena, hé boa he laa tena nyoa, laa tena chɔɔ bar bwɛjen la dɛ́ ba yo yaa. Baa kpɔ daa lɔ Israel kooro kaŋe sihiih kpoo o jirima tonɛ.

Maeka 5:1 Referans Kwoze

Wiile 3:30

Ó sɛh chɛɡa ne sihiih, dɛ lɔɔra bɛlbwa.

Job Tɔn 16:10

Nɛra dɛ muɡli n baah ba dɛ warɛ dɛ bar mɛ cheme, dɛɛ kpaa n lwɛrɛme.

2 Kɔrent 11:20

Nɛra kpɔ heyaa berɛ yoma, dɛ neɡre heyaa dɛɛ di, dɛɛ faah heya, dɛɛ nyiŋi he nyu baahna, dɛɛ kpaa he lwɛrɛme, kɛ he waane laa.

We-ɛɛla 23:2

Asɛ Ananias waa ɛ Sɔfonomoa la ŋɔ nɛ́ra baa cheɡɛ Pɔɔl jwɛɛh la kpaa o nyoa ta.

Amanesoma Jɔn Aa Chwera Tɔn 19:3

Dɛ ba dɛ ba o be dɛɛ si, “Woowo, Juu tena kooro!” dɛɛ kpaa o lwɛrɛme.

Amanesoma Jɔn Aa Chwera Tɔn 18:22

Yeesu aa chaŋe waa la ɡɛ la, dɛ Sɔfonomoa la bonɔɔ bɛl cheɡɛ o jwɛɛh asɛ dɛ kpaa o lwɛɛma, dɛ kɔro ŋɔ, “Kenii chɛ kɛ he chaŋe Sɔfonomoa aa?”

Matiu 26:67

Ba ta nentane ta o siebɔr dɛ lɔɔro, dɛ tɔɔ kande. Banɔ la baa dɛ kpaa o lwɛrɛme dɛɛ chuɡru kwɛɛrɛre la yon berɛ pɛɛro ŋɔ,

Aesaya 33:22

Korowiirii dɛ́ bol ya wa, onee do Mmarare dɛɛ tɛ yaa, dɛ́ ɛ ya kooro. Onee dɛ́ lɛ yaa.

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.

Matiu 27:30

Asɛ dɛ ta nentane dɛɛ ta o nɛ, dɛ kpɔ daa la dɛɛ cha o nyu.

Matiu 5:39

Kɛ taraken te n ŋɔ, dɛ nomɛl ɛɛ wechɔɡa aa, bɛ wechɔɡa kpɔ bɔɔ kem. Dɛ nomɛlbwa kpaa he diɡ lwɛɛma aa, berɛ ɡal lwɛɛma la ɡe tɛo ó kpaa ja.

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Habakuk 1:6

N dɛ ba Babelɔn tena baa do ɔma, ba sie ɡe do kpeɡri, kpeɡri tɛɛ, ásɛ ba laa tena wur kaa harɛ nɔ ta bobɛlbwa, dɛ́ ka yo nɛra dɛ́ lɛ ba sobɔra aa wola ba kwaa ɛɛ bwa dɔɔh.

Emɔs 2:3

Mɛɛ kpo Moab kooro ne o nomonome baa ja o nɛɛ bwaa. Men Korowiirii bola.”

Joel 3:9

“Hé bol harɛre nɛra be ŋɔ, bá kpɔ ba te dɛ́ ka yo laa! Bá yerɛ banyoola la bwa, dɛ́ boa laa tena la bwa nyoa bá ba yo!

Ɛsekeɛl 24:2

“Nɛwɛnyini bie, bɔ fini tɔpere nɔ deeti bil, dɛkalkɛŋɔ Babelɔn kooro kpɔ o laa tena dɛɛ ba ba tɔ Jerusalam tena do fini.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 4:7

Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 8:9

Anomanta, harɛre nɛra, hé lawɛ he te pɛ dɛ́ so ɔmee ta! Harɛre haa lɔ bojaŋa bwa nɛra, hé no. Hé kpɔ he te dɛ́ ka yo, kɛ hɛɛ ɔmɛ! Hé kpɔ he te dɛ́ ka yo, kɛ hé ɔmɛ!

2 Koranar 24:2

Korowii tomɛ laa tena le Babelɔn ne Siiria ne Moab, dɛ Amɔn harɛre ta ŋɔ bá ba yo Kooro Jehoiakim dɛ́ chɔɡ Juda harɛ, ɡɛ o fa aa cheɡɛ o bonɔɔna keamere nɛɛ dɛ bol ŋɔ wɛɛ ɛo la.

1 Koranar 22:24

Ate, Kenaana bibaa Korowii keame Sedekia la dɛ ka kpaa Korowii keame Mikaya lwɛɛma dɛ ŋɔ, “Saŋ besoo Korowii Doma ɡel mɛ dɛ ba bol wa he be bwa nɔ?”

Mumpar 35:19

Rakɛl aa sewa la, ba huɡo bwɛɛ Efrat la ŋwɛnɛ nyoa. Ba berɔ dɛɛ yerɔ Bɛtlɛham.

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

Sitɔɔla 17:7

Dɛ bonɔɔ bɛl ɛ Lewi dea te dɛ le Bɛtlɛham waa lɔ Juda harɛ ta, dɛ so Juda dea tena bini.

Sɛɡla 8:23

Menee Korowii tɔ sie ta mumpar la, mɔɔ dɛ ta harɛ nɔ.

Aesaya 9:5

Laala baa doa dɛɛ yo laa, ne kon te bɛlbwa chal aa ɛo la, baa kpɔa do nii ta a fuh, baa kpɔa mar nii.

Ɛsekeɛl 21:32

Niinii mɛɛ ba kpɔe fuh heya. He ɡbaɡba harɛ taa hɛɛ ba serewa, baa wola he waa lii kpa. Men Korowiirii bola.’ ”

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.