Maeka 1:8 - mzwDBL

⁸ Men Maeka ŋɔ, “Anɔ nomanta mɛɛ wiu dɛɛ dooɡe lɔŋɔre, á baɡle kɛ n dɛ di suna. Mɛɛ valɛ nakpapɛɛ ne mumɡbalee, dɛ́ si kɛŋɔ kalampoŋa, dɛɛ si kɛŋɔ kwiu ken.

Maeka 1:8 Referans Kwoze

Aesaya 22:4

A waa n ŋɔ, “Hé ɡel mɛ n wi n nɛra. He bɛ n bwara larawe n nɛra baa serewa nɔ wa.”

Jeremia 9:19

Hɛ́ɛ no wii ɡbɔɡa aa dɛ le Saayɔn. Ba ŋɔ, ‘Akwe, ya chɔɡɔ! Sihiih kpo yaa kɛrɛdɛ. A chɛ kɛŋɔ yá le ya harɛ nɔ ta, ya soŋnibɔra bwa paɡrɔ.’ ”

Jeremia 9:10

Belaa n ŋɔ, “Mɛɛ wiu dɛɛ dooɡe lɔŋɔre bwejena wa, dɛ taa wiile pua hɛŋle ɡbo harɛ, kondɛɛra dibɔra la wa. A bwa berɛ dimɡbia, nomɛlbwa aa a ta kpɔ, bɛlbwa aa nae ɡbɔɡa ɡe no. Jumbii bwa iro kaa, kpɔɡ bini ola ɡe bwa chwa kaa.”

Jeremia 9:1

Jeremia berɔ ŋɔ, “N nyu bini fe do kɛŋɔ bule bini ne, asɛ n siniire do kɛŋɔ nenapale aa, n fe ɛɛ wiu chɔɔ ne jwaana, kpoora baa kpoo n nɛra la wa.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Aesaya 21:3

A ɡɛ waa maa naa la ɡelɔ n bwadabii wee mɛ chweeh ken, kɛŋɔ loltea aa lɔ haah ken. Waa maa noa la ɡelɔ maa won ɛ wobɛlbwa, n ɛo chinchaŋ waa maa naa la wa.

Aesaya 16:9

N dɛ wi dɛɛ tɛ daa kooni aa lɔ Sibma, ɡɛ baa dɛ wi a waa Jasa la. Hɛsbɔn tena ne Eleale tena, sinii dɛ yɔɔ mɛ he wa. Moola fe dɛ le daa nɔna chaara saŋ nɔ, kɛ nɔna toole a ta, bɔr helɔ.

Aesaya 13:21

Pua hɛŋle ɡbo harɛ ta ola dɛ ba bela doe dɛɛ si deremi la bini, kwiure sɔh a kɔne bela, ásɛ kpɔɡ bini ola aa do kɛŋɔ boohna do bela dɛɛ jah.

Yela 102:6

A ka n ɡbo kɛŋɔ kwiu beŋkpoŋ waa lɔ pua hɛŋle ɡbo harɛ ta ken, n do kɛŋɔ kwiu waa lɔ bwɛɛ waa paɡra ta.

Job Tɔn 30:29

N dɛ wi suna wii kɛŋɔ kalampoŋa kɛɛ taataa aa dɛ si la ken.

1 Samoɛl 19:24

O foo o laala dɛ ka che Samoɛl sie, dɛɛ bol Korowii waa la dɛɛ sa. O chɔ mumɡbal ɡɛ tɔpebir la bwa, webaŋa ne jwaana. A waa nɛra yon dɛɛ bɔɔ ŋɔ, “Kooro Sɔɔl ɡe ja Korowii keamere la nɛɛ kɛɛ?”

Aesaya 13:22

Kalampoŋare ɛɛ dɛɛ si dekpeɡa binii, ásɛ ɡboli si koranar dedɛɛɡa bini. Babelɔn chɔɡa saŋ telo, waa jaŋɛ kpa.”

Aesaya 32:11

Haahna haa lɔ bosɔɔhna ta la bwara ɛɛ sao he ɔmɛ. Hé wur he laala ta, dɛ́ kpɔ lweyale mile chara.

Ɛsekeɛl 32:18

“Nɛwɛnyini bie, wi tɛ Ijipt harɛ ta nɛndamanta bwa, kpɔ ba ka ja harɛre nɛra baa kpeɡa dɛ serewe kaa lalabwɛɛ la nɛ.

Maeka 2:4

Awola tɔpere la, ɡɛ wiile aa teŋa nɔɔ, baa ba kpɔe muɡli he baah ŋɔ, ‘Ya na waa kɛrɛdɛ. Korowii ɡelɔ ba lɛ ya harɛ, dɛ kpɔ yaa tɛ nɛnchɔɡa.’ ”

2 Koranar 18:13

Kooro Hɛsɛkea aa di kora bene fi dɛ anaarɛ ta la, Asiiria koojen Senakerib kpɔ o laa tena, dɛ ba yo Juda harɛ ta bwɛjena baa ma danjwɛkpeɡa bara, dɛ pɔ ba nɛ.

Ɛsta 4:1

Mɔdekae aa na waa baa ɛa la, o kɛɛ o laala dɛ kpɔ lweyal tɔ, dɛ ɛ tɔɔ do o nyu ta, a baɡle kɛŋɔ o tea bini chɔɡɔ. O valɛ bwɛjen Susa fɔɡbaahna dɛ dooɡe lɔŋɔre dɛɛ wi kohona.