Maeka 1:16 - mzwDBL

¹⁶ Juda tena, hé fonɛ he nyuune, á baɡle kɛ he dɛ di suna, dɛ́ wi tɛ he bii haa dɛ nyin ba la. Hé paa he nyuune, á do kɛŋɔ kɔkɔsaki nyu, dɛkalkɛŋɔ baa laɡ baa le he be kaa bojaŋ harɛfale ta.

Maeka 1:16 Referans Kwoze

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Jeremia 7:29

Jerusalam tena, hé wi, hé fonɛ he nyuune dɛ́ pa ta. Hé kaa deŋɡarere dor dɛ́ kaa taa wiile, dɛkalkɛ men Korowii, n baah di he nɛɛ n vɛh heya.

Job Tɔn 1:20

Job aa no ɡɛ la, o ir che dɛ laa o batakaare kɛɛ, a baɡle kɛ o loo kuu, dɛ fonɛ o nyu. Ate, dɛ chɔ kpɔ sie pi harɛ, dɛ jam Korowii,

Emɔs 8:10

Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.

Jeremia 16:6

Suuɡa tena ne nyaara bwaa dɛɛ ba serewa he harɛ nɔ ta. Nomɛlbwa aa ban huɡe kɛɛ dɛ́ wii ba. Bɛlbwa aa konee kpɔ mɔn o te kɛɛ dɛ́ fonɛ o nyu, á baɡle kɛ o dɛ di suna.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Aesaya 15:2

Debɔn tena teehnɔ kaa deŋɡare ta, bela ba voɡ aa lole dɛ́ ka wi. Moab harɛ ta nɛra bwa ɛɛ wi bwɛjena Nɛbo ne Medeba waa, dɛ́ fonɛ ba nyuune ne tampona bwa ta, aa baɡle suna dii.

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

Mmarare 28:41

Hɛɛ lolɛ bibaala ne bihaahnaa kɛ baa he biirii ɛ, baa berɛ nɛra bane yomaa.

Jeremia 47:5

Gasa tena dɛ di suna kohona, baa fonɛ ba nyuune á baɡle kɛŋɔ ba dɛ ɛ lwe, ásɛ Askɛlɔn tena hel jeiih ken a wa. Saŋ besoo Filisti tena kabora ɛɛ ba wii ka tel ɔ?

Emɔs 7:11

Waa Emɔs aa dɛ bol laanee kɛŋɔ, ‘Baa kpo Kooro Jɛroboam laa taa, ásɛ ba lawɛ Israel tena laa ta kaa, ba le ba ɡbaɡba harɛ ta kaa bojaŋ harɛfale ta.’ ”

Emɔs 7:17

Anomanta, waa Korowii aa dɛ bol sɔfo Amasea be laanee nɔ. ‘He haah ɛɛ valɛ bwɛjen nɔ taa dɛɛ bɔ jwamane. Baa kpoo he bibaala ne bihaahna laa taa. Baa lɛ he harɛ peraa, dɛ́ bɔne tɛ nɛra, ásɛ he ka sewɛ voɡtoroma harɛ ta. Kasinteŋ, baa lawɛ Israel tena laa taa le ba ɡbaɡba harɛ ta kaa bojaŋ harɛfale ta.’ ”

Jeremia 4:8

Hé kpɔ lweyale tɔ, dɛ́ wi dɛ́ɛ dooɡe lɔŋɔre, dɛkalkɛ Korowii bandia kohona la ta ya nɛɛ leɛ.

Wiile 2:19

Ir jwaana bɛlbwa dɛ́ɛ wi, dɛ́ɛ yerɛ Korowii ó chae. Pili he bambile dɛ́ɛ soŋo ó sune he bii nɛ, bechale lɔr aa kpo ba ba serewe chɔ fɔɡbaahna la wa.