Amanesoma Luk Aa Chwera Tɔn 9:60 - mzwDBL

⁶⁰ Asɛ Yeesu chaŋo ŋɔ, “Gel nɛra baa wola Korowii mkpa dɔe la huɡe ba dɔŋa, ásɛ he ka bol Korowii Kora la bini waa baɡle nɛra.”

Amanesoma Luk Aa Chwera Tɔn 9:60 Referans Kwoze

1 Timoti 5:6

Kɛ luhaah bodia wa aa dɛ lɛ o sie la, o soɡe le te, kɛ o do kɛŋɔ nɛn waa sewa.

Wepila 3:1

Tɔn nɔ dɛ kaa nyundua torome waa cheɡa tɛ asɔre tena baa lɔ Saades la be. “Men maa dɔ Korowii Domare anuanɛ ne weweela anuanɛ la ŋɔ, N jemɛ he we-ɛɛla. Nɛra jemɔ kɛŋɔ he soɡe le bokpeɡa ta, kɛ he sewɔ. He kpeɡri haa dɔa dɛɛ teŋɛ n nɛɛ la nyoa dɛ sɔɔh.

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

Amanesoma Luk Aa Chwera Tɔn 15:32

He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”

Ɛfesos 2:5

o ir yaa seo la ya wechɔɡa nomanta yaa sewa la ta, dɛ berɛ koh pɛɛ ya ne Yeesu Kristo aa pɛa la waa dɛ tɛ yaa mkpafale. Korowii suna waa sune he nɛɛ la taa a che dɛ lɛ heya.

Ɛfesos 2:1

He fa do kɛŋɔ he sewɔ Korowii be. He wechɔɡaa ɡela he beɡre ɡɛ.

1 Kɔrent 9:16

Maa won koh Amanesoma nɔ bola waa dɛɛ baɡle n te, dɛkalkɛŋɔ Korowiirii dɛɛ do mɛ asɛ mɛɛ bol. Dɛ n ta bolaa, mɛɛ dɔ waa.

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Matiu 8:22

Anee Yeesu chaŋo ŋɔ, “Hé te teŋɛ n nɛ, dɛ́ ɡel nɛra baa wola Korowii mkpa dɔe, dɛ do kɛ nɛra baa sewa Korowii ta la ɛɛ huɡe ba dɔŋa.”

Amanesoma Luk Aa Chwera Tɔn 15:24

dɛkalkɛŋɔ n fa liiro kɛŋɔ n bie nɔ sewɔ, asɛ o berɛ ba nɔ. O fa aa nyoɡra la, taraken te n nao.’ Ate, ba ɛ kondikwaare dɛɛ di dɛɛ lɛ ba sie tenten.