Amanesoma Luk Aa Chwera Tɔn 9:54 - mzwDBL

⁵⁴ Yeesu habɔteŋra Jems ne Jɔn aa na ɡɛ waa nɔ la, ba ŋɔ o be ŋɔ, “N Dɔɔ, he dɛ nyin kɛ ya ɡel nii le nyundua ba dɛ́ ba fuuh ba kɛɛ?”

Amanesoma Luk Aa Chwera Tɔn 9:54 Referans Kwoze

Wepila 13:3

Olchɔɡe la nyuune la bɛl ɛo kɛŋɔ ba fa aa doo bol o sewɛ dɛ ir, asɛ bol la tonɛ. O waa ɛ nɛra bwa nyokpoa ba teŋɛ o nɛ.

2 Koranar 10:31

Kɛ ane a bwa, Kooro Jehu ta Korowii Israel tena aa dɛ tomɔ la mmarare ta teŋɛ o bambile bwa ne, dɛ teŋɛ wechɔɡa Kooro Jɛroboam aa ɛa, dɛ ɡel Israel tena ɡe ɛ wechɔɡa la ta.

2 Samoɛl 21:2

Kooro yerɛ Gebeɔn tena baa kaa la, dɛ bol waa baɡ ba. Dɛ Gebeɔn tena la ta Israel tena ɛɛ. Ba ɛ Amɔre tena bane Israel tena aa baɡ ba nyoa ŋɔ baa ban kpoo. Kɛ Kooro Sɔɔl siwi beɡrɔ wɛɛ nyin ba dɛ́ kpo, Israel ne Juda tena wa.

2 Koranar 10:16

Kooro Jehu ŋɔ o be ŋɔ, “Ya kaa ásɛ he ka na ɡɛ Korowii waa aa lɔ n bini kɛrɛdɛ.” Asɛ ba bwa che Kooro Jehu torɔɡo la bini, dɛ kaa bwɛjen Samaria.

2 Samoɛl 16:9

Belaa Abisae baa dɛ yerɛ o nya Seruya la ŋɔ kooro be ŋɔ, “N naa, ɛrɛɛ he ɡel nɛn waa wola toole wobɛlbwa bini kɛ nyoate lale ɡe ɛɛ taahne ken? Gel n la ka teŋe o nyu le bela!”

2 Koranar 1:9

Ate, kooro la tomɛ o laa sitɔɔ, dɛ laa tena fifraanue ŋɔ bá ka kpɔ Elaeja ba. Dɛ Elaeja soɡe deŋɡare bɛl doa, asɛ laa sitɔɔ la la o be dɛ ka ŋɔ, “Korowii keame, kooro ŋɔ he tu ba o be he ne ó bol wa.”

Amanesoma Mak Aa Chwera Tɔn 3:17

ne Sebedii bii Jems ne o nime Jɔn waa pa ba ɡe sɔn Bɔanɛjes la, o munii kɛ Sikpeɡ Tena,

Amanesoma Luk Aa Chwera Tɔn 9:55

O habɔteŋra la aa ŋɔ ɡɛ la, o ta ban ɡelɛ. O laa o te berɛ dɛ do ba nee ba samɛ.

Wepila 13:13

O wono dɛɛ ɛ wejena ne nyokpowa, dɛ ɡel nii le nyundua lee harɛ, nɛra na.

Wejereme 3:3

kpoe dɔ o tɔpere, chaeh ɡe tɔpere do le, danjwɛɛ taɡa dɛ́ ɡo saŋ lole, o kwaara dɛ́ ma ɡe saŋ do le.