Amanesoma Luk Aa Chwera Tɔn 9:42 - mzwDBL

⁴² Bie la aa dɛ ba la, kwaa la ɡoo harɛ dɛ ɡel o beŋri. Yeesu kɔr kwaa la, dɛ chah bie la, dɛ kpɔɔ tɛ o mɛɛ.

Amanesoma Luk Aa Chwera Tɔn 9:42 Referans Kwoze

Amanesoma Luk Aa Chwera Tɔn 7:15

Belaa bonɔɔ la fuɡri ir so, dɛ den dɛɛ bol wa. Asɛ Yeesu ŋɔ haah la be ŋɔ, “He biee la.”

Wepila 12:12

Anomanta, Korowii doa tena, hé ɡel he sie lɛ. He banɔ la haa lɔ harɛ ta ne mpo ta ɡe la, hé bwɛɛlɛ, dɛkalkɛŋɔ Baradeɛre Te la tuo ba he be. O baah diu kɛrɛdɛ, o jemɔ kɛ o tɔpere aa kanɛ kpa.”

Amanesoma Luk Aa Chwera Tɔn 9:39

Kwaa dɛ ir o nɛ. A ir o nɛ aa, ɡɛɛ o piɡri do lɔŋɔ, asɛ a yon kpɔɔ ɡo harɛ o beŋri chɔ, asɛ fufuɡ ɛɛ le o nyoa. A dɛ ɛo hɔhɔrɔwa mɔɔ dɛ́ le o nɛ.

Amanesoma Mak Aa Chwera Tɔn 9:20

Asɛ ba kpɔ bie la ba tɛo. O kwaa aa dɛ ir o nɛɛ la aa na Yeesu la, a taɡɔ ta, asɛ o chɔ dɛɛ yo ɡɛ ɡbuŋɡbuŋri te aa dɛ ɛ la, dɛɛ ɡbili bɔr bwa, dɛ fufuɡ dɛ le o nyoa.

2 Koranar 4:36

Asɛ Elaesa yerɛ Gehasi ŋɔ, “Yerɛ bie la nya la.” Haah la aa bala la, o ŋɔ, “He bie laanee la, kpɔɔ kaa.”

We-ɛɛla 9:41

Belaa Pita tel o be dɛ lawɔ ir che, dɛ ka yerɛ asɔre tena ne ba bini luhaahna la bwa dɛ kpɔ haah la waa iru la tɛɛ ba.

1 Koranar 17:23

Elaeja kpɔ bie la tu ba o nya be, dɛ ŋɔ, “Nyiŋi na, he bie la iro.” Dɛ kpɔɔ tɛo.

Amanesoma Luk Aa Chwera Tɔn 9:41

Anee Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Kpɔ he bie la ba bonɔ.”

Amanesoma Luk Aa Chwera Tɔn 9:43

Nɛra la bwa nyoa kpo Korowii kpeɡri la nɛ. Ba nyoa aa kpoa ba taa kooɡa la, Yeesu ŋɔ o habɔteŋra la be ŋɔ,

Amanesoma Jɔn Aa Chwera Tɔn 6:19

O habɔteŋra la aa tawa dɛ kaa dɛ ɛ kwansini atoro kɛɛ anaarɛ la, ba nao kɛŋɔ Yeesu aa valɛ nee la sie dɛɛ ba ba be, asɛ ɔmee laɡ ba taeh.