Amanesoma Luk Aa Chwera Tɔn 7:7 - mzwDBL

⁷ dɛ ŋɔ o ɡbaɡba ɡe ta chɛɛ kɛŋɔ o ba Yeesu be. Kɛ Yéesu bol waa waa ba o dem dɛ́ ba bol la ásɛ o bonɔɔ la ɡbaŋre.

Amanesoma Luk Aa Chwera Tɔn 7:7 Referans Kwoze

Yela 107:20

O nyoa wobol chaah ba, dɛ lɛɛ ba le seo ta.

Amanesoma Luk Aa Chwera Tɔn 4:36

Nɛra baa lɔ bela la bwa nyoa kpoo, ba ŋɔ dɔŋa be ŋɔ, “Bɔkwa waa nɔɔ! Hé na ɡɛ baa nɔ aa kpɔ kpeɡri bol waa baɡle kwaa aa dɛ ir nɛra nɛɛ asɛ a kaa!”

Yela 33:9

Nyoa wobol nee Korowii ta harɛ, asɛ komɛlbwa do le, dɛ ɛ ɡɛ waa ŋɔa.

Amanesoma Mak Aa Chwera Tɔn 1:27

Gɛ waa nɔ ɛ nɛra la bwa nyokpoa, asɛ ba bol dɔŋa be ŋɔ, “Bɔkwa waa nɔɔ? A ɡe ɛ webaɡlefala kɛɛ? He ta nae kɛŋɔ o dɔ kpeɡri dɛ bol waa kwaa aa dɛ ir nɛra nɛɛ be a no dɛɛ kaa la aa?”

Amanesoma Luk Aa Chwera Tɔn 5:13

Anee Yeesu tɛr nɔn leɡo, dɛ ŋɔ, “N sɛoh. He bwara kwaarɔ.” Buɡ la ta, dɛ o weela la denɔ le o nɛ, o bwara kwaa.

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

1 Samoɛl 2:6

Hen Korowiirii dɛɛ kpo, dɛ́ berɛ tɛ mkpa, henee ɡela nɛra sewɛ baa huɡ ba, dɛ́ berɛ ir dɛ́ dɔ mkpa.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Amanesoma Luk Aa Chwera Tɔn 7:6

Baa ŋɔ ɡɛ la, Yeesu iro, o ne baa kaa. Aa ka tama o tel dem bela la, sooja nomoa la tomɛ o daamanar o be ŋɔ bá ba ŋɔ o be ŋɔ o ta chɛɛ kɛ Yeesu ba o dem, anomanta, o bɛ o te koh,

Amanesoma Luk Aa Chwera Tɔn 7:8

O bolɔ ŋɔ, “N ɛ nɛn maa lɔ nomonome bane lɔɡa, dɛ dɔ soojare ba do n ɡe lɔɡa. Mɛɛ wonoo ŋɔ bɛl be ŋɔ, ‘Ba,’ ó ba, dɛ́ berɛ ŋɔ onfale be, ‘Kaa,’ ó ɡe kaa. Mɛɛ wonoo ŋɔ n bonɔɔ be ŋɔ, ‘Ɛ ken tɛ mɛ,’ ásɛ o ɛ.”