Amanesoma Luk Aa Chwera Tɔn 7:50 - mzwDBL

⁵⁰ Asɛ Yeesu ŋɔ haah la be ŋɔ, “He yarada haa yarada mɛ nɔ lɛɛ. Ir dɛɛ la. Kórowii tɛɛ bosɔɔhna.”

Amanesoma Luk Aa Chwera Tɔn 7:50 Referans Kwoze

Amanesoma Mak Aa Chwera Tɔn 5:34

Yeesu ŋɔ o be ŋɔ, “Tolo, he yarada lɛɛ. Kaa bosɔɔhna ne, ásɛ he bwara do kpeɡri.”

Amanesoma Luk Aa Chwera Tɔn 8:48

Anee Yeesu ŋɔ o be ŋɔ, “Tolo, he yarada haa yarada mɛ la ɡelɔ he ɡbaŋre. Dɛɛ la. Korowii tɛɛ bosɔɔhna.”

Amanesoma Luk Aa Chwera Tɔn 18:42

Belaa Yeesu ŋɔ o be ŋɔ, “He yarada lɛɛ. N chaeh. Na bɔr.”

Matiu 9:22

Yeesu ke nyiŋi dɛ na haah la, asɛ dɛ ŋɔ, “Tolo, sɔɔh bwara. He yarada haa yarada mɛ la ɡelɔ he ɡbaŋre.” Gɛ waa nɔ taa haah la ɡbaŋre.

Amanesoma Mak Aa Chwera Tɔn 10:52

Asɛ Yeesu ŋɔ o be ŋɔ, “Kaa. He yarada haa yarada mɛ la ɡelɔ he dɔ bokpeɡa.” Buɡ la ta, dɛ o wono dɛɛ na, dɛ teŋɛ Yeesu nɛɛ ŋwɛnɛ la ta.

Habakuk 2:4

Wepila laanee nɔ, Babelɔn tena baa ɛ nyubinikpeɡ tena aa ba nyuu dɔ, kɛ naate o waa aa toɡra dɛɛ su Korowii siwi la, wɛɛ yaradao dɛ́ dɔ o nyu.

Amanesoma Luk Aa Chwera Tɔn 8:42

Dɛ ɡɛ baa nɔ bibeŋkpoŋ waa dɔɔ, o ɛ bihaah dɛ di bene fi dɛ anɛ bwara dɛ weo wɛɛ ba sewa. Yeesu aa dɛ kaa la, dɛ nɛnlaa bane teŋɛ o nɛ, dɛ fiilo do baah ta dɛɛ taɡɔ.

Amanesoma Luk Aa Chwera Tɔn 8:18

Anomanta, hé no kɛrɛdɛ dɛ́ jemɛ waa nɔ mun. Dɛ he wono no a mun aa, mɛɛ ja heyaa anee, dɛkalkɛŋɔ naate waa dɔa la, baa jao anee ó dɔ kohona. Kɛ naate waa wola komɛlbwa dɔe la, tama kwaraa waa dɔa la ɛɛ le o nɔn taa.”

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

1 Samoɛl 1:17

Ate, sɔfo Eli ŋɔ, “Kaa deŋnesɔɔhna ne, Korowii Israel tena aa dɛ tomɔ la tɛɛ komɛlbwa haa dɛ nyin.”

Amanesoma Luk Aa Chwera Tɔn 7:9

Yeesu aa no waa nɔ la, o nyoa kpoo, yarada waa yaradao la wa, asɛ o berɛ habɔɔ dɛ ŋɔ nɛnlaa baa teŋɛ o nɛɛ la be ŋɔ, “Kasinteŋ, n ta nɛn waa yarada mɛ ken nae bwa. N ta o yarada dɔŋ nae Israel tena kwaraa bini.”

Amanesoma Luk Aa Chwera Tɔn 17:19

Yeesu ŋɔ o be ŋɔ, “Ir kaa, yarada haa yarada mɛ nɔɔ ɡela he dɔ he te.”