Amanesoma Luk Aa Chwera Tɔn 7:25 - mzwDBL

²⁵ Dɛ ɡɛ laa ɡe aa, dɛ bɔkwa tenee he la ŋɔ he ka nyiŋi ɔ? Nɛn waa do laaladɛɛɡaa he la ka nyiŋi kɛɛ? Nɛra baa dɛ do laaladɛɛɡa dɛɛ di ba tetookondikwaa la, koodemii ba do.

Amanesoma Luk Aa Chwera Tɔn 7:25 Referans Kwoze

Matiu 6:29

Kɛ n dɛ ŋɔ he be ŋɔ, Kooro Solomɔn ɡba ne o kondɔɔh bwa, o laala ta wer doe kɛ a ɡɛ kwaa nɔ bwa.

Matiu 3:4

Gɛ Jɔn nɔ, nyoɡma pona nee ba sɔh o yal, asɛ o kpɔ ol tɔn ɛ kiriso dɛɛ vɔwɛ o chara. O kondikwaa ɡee tontombɛ ne tooh.

Aesaya 59:17

O kpɔ waa aa toɡra ɛ laa batakaare, dɛ kpɔ lɛɛ waa lɛ heyaa la ɛ buni ɡbɛrɛ pi. Dɛ ta tea kohona kpɔ deŋnetɛra waa kpɔa dɛɛ ba ba bɔ nɛra kem la berɛ yal, dɛ kpɔ tɔ.

Ɛsta 8:15

Mɔdekae aa le kooro sie bela dɛ kaa la, dɛ o do laalapoŋa ne laalaburum, dɛ berɛ do batakaare baa kpɔ yapondɛɛɡe ɛo dawɛ kɛŋɔ koolaala ken, dɛ pi suuɡaswɛm ɡbɛrɛdɛɛɡe bɛl. Asɛ Susa bwɛɛ tena la bwa ɡe ɛɛ moo silɛɛ ne.

Ɛsta 5:1

Baa vɔwɛ ba nyoa tɔpetooro wee tonɛ la, Ɛsta kpɔ laala aa baɡla kɛ o ɛ kooro haah la do, dɛ ka che koodem baah bela kooro dea doonyoa aa chaɡa, dɛ kooro soɡe o kookara ta o sie chaɡɛ doonyoa.

Ɛsta 4:2

Koodem doonyoa ɡboo o jaɡɛ, dɛkalkɛŋɔ nomɛlbwa waa tɔ lweyal la ta ŋwɛnɛ dɔe kɛ ó jo bela.

Ɛsta 1:11

O ŋɔ bá lawɛ o haah Vasti ó kpɔ o ɡbɛrɛ waa dɛ baɡle kɛŋɔ o ɛ kooro haah la pi, dɛ́ kpɔɔ ba o sie. Vasti wer kɛrɛdɛ, anomanta, kooro la dɛ nyin kɛ Vasti kpɔ o te ba baɡle nomonjena, ne nɛra baa cheme bela la bwa, ásɛ ba na o wer waa doa.

Ɛsta 1:3

Waa di kora bentooro te ta la, o yerɛ o nomonjena ne o nomonome bwa ba cheme, asɛ ba di kondikonjena dɛ lɛ ba sie. Pɛɛsea harɛ ne Midia harɛ laa nomonome, ne nomonome baa chɔ o harɛre bwa nyoo ne nomonjena balɔ.

2 Koranar 1:8

Ba chaŋe ŋɔ, “Batakaare waa doa la ɛ oltɔn, dɛ berɛ kpɔ oltɔn ɡe vɔwɛ kiriso.” Kooro la ŋɔ, “Tisbe te Elaeja laanee.”

1 Koranar 10:5

ne kondikwaa aa cheɡɛ o kondikondibɔr, ne o nomonome sobɔr, ne o bonɔɔna baa dɛ tomɔ, ne ba laala baa doa, ne bonɔɔna baa do batakaani dɛɛ doo sen, dɛ kwaa waa kpoora dɛ fuah dɛɛ ɛ sarahare Korowii Dea la, a ɛo nyokpoa.

2 Samoɛl 19:35

Taraken n di bene fifraanuatoro, n sie aa komɛlbwa ta lɛ kpa. Komɛlbwa aa somɛ n nyoa ta, ba dɛ ɡo yela ɡe aa, maa no. N naa kooro, n dɛ la ka dawɛ he nɛɛ pɛɛpɛɛ.

Matiu 11:8

Dɛ ɡɛ laa ɡe aa, dɛ bɔkwa tenee he ka nyiŋi ɔ? Nɛn waa do laaladɛɛɡaa he ka nyiŋi kɛɛ? Nɛra baa dɛ do laaladɛɛɡa la, kooderemii ba do.

Amanesoma Luk Aa Chwera Tɔn 7:24

Jɔn toroma la aa kaala la, Yeesu bol Jɔn waa nɛnlaa la be ŋɔ, “Haa la pua hɛŋle ɡbo harɛ la ta bela la, bɔkwaa he fe ɛɛ nyin kɛ he na laɔ? Kpɔɡ bɛl peu aa dɛ ta wɛɛ yiiɡi waa he la bela kɛɛ?

Amanesoma Luk Aa Chwera Tɔn 7:26

Hé den baɡ mɛ, bɔkwa tenee he la bela ka nyiŋi ɔ? Korowii keamee kɛɛ? Kasinteŋ, Korowii keamee he na la, kɛ o ɡwaa Korowii keame kwara.

Amanesoma Luk Aa Chwera Tɔn 16:19

Yeesu berɔ ŋɔ, “Baa bɛlee fa lole dɛ dɔ suuɡa, dɛɛ do laaladɛɛɡa dɛ dɔ kwaa nɔ bwa, asɛ dɛɛ di kondɛɛɡa tɔpere bɛlbwa, dɛɛ lɛ o sie tenten.