Amanesoma Luk Aa Chwera Tɔn 7:24 - mzwDBL

²⁴ Jɔn toroma la aa kaala la, Yeesu bol Jɔn waa nɛnlaa la be ŋɔ, “Haa la pua hɛŋle ɡbo harɛ la ta bela la, bɔkwaa he fe ɛɛ nyin kɛ he na laɔ? Kpɔɡ bɛl peu aa dɛ ta wɛɛ yiiɡi waa he la bela kɛɛ?

Amanesoma Luk Aa Chwera Tɔn 7:24 Referans Kwoze

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

Amanesoma Luk Aa Chwera Tɔn 3:2

asɛ Anas ne Kaefas ɛ Sɔfonomonome Jerusalam. Gɛ saŋee Korowii kpɔ o waa do Jɔn waa ɛ Sekaria bie la nyoa pua hɛŋle ɡbo harɛ ta la,

Amanesoma Luk Aa Chwera Tɔn 1:80

Kenii a do asɛ Jɔn kpeɡ, dɛ dɔ nomonliire. O soɡe pua hɛŋle ɡbo harɛ, dɛ ka tel kɛŋɔ tɔpere waa pa o toma mun Israel tena bini aa tela.

2 Pita 3:17

Anomanta, n dandɛɛɡa, haa dɔa na ken nɔ, hɛ́ɛ nyiŋi kɛrɛdɛ ásɛ dɛ bɛ ba ɡel nɛra baa wola Korowii ɔmɛ ba neɡre heyaa he lɔ naa he yarada la ta, dɛ́ ba choɡli.

2 Pita 2:17

He dɛ hwɛɡɛ ba nɛ aa, he hwɛɡa ta pɛɛ. Ba do kɛ nenabɔɔ nee aa wola toole o ta, dɛ do kɛ baama peu aa ir a ne aa kaa ken. Biro kpirikpirii Korowii kwaa cheɡ ba.

Amanesoma Jɔn Aa Chwera Tɔn 1:23

Belaa Jɔn kpɔ Korowii keame Aesaya waa o fa aa bola la chaŋ ba ŋɔ, “Menee naate waa dɛ bol waa takpeɡ ne pua hɛŋle ɡbo harɛ ta dɛ ŋɔ, ‘Hé ɡel he we-ɛɛla toɡre, dɛ́ kpɔ he te dɛɛ kpa he Dɔɔ bala’ la.”

Mumpar 49:4

He we-ɛɛla do kɛŋɔ nehɛma, he jirima tonɔ. Dɛkalkɛ he lawɛ n hanɛɛte chɔ n chɔɔbɔr, dɛ kpɔ doŋa kah mɛ.

Amanesoma Luk Aa Chwera Tɔn 7:23

He naate haa wola men tɔŋle la, he na som.”

Amanesoma Luk Aa Chwera Tɔn 7:25

Dɛ ɡɛ laa ɡe aa, dɛ bɔkwa tenee he la ŋɔ he ka nyiŋi ɔ? Nɛn waa do laaladɛɛɡaa he la ka nyiŋi kɛɛ? Nɛra baa dɛ do laaladɛɛɡa dɛɛ di ba tetookondikwaa la, koodemii ba do.