Amanesoma Luk Aa Chwera Tɔn 6:7 - mzwDBL

⁷ Dɛ Tɔnjerema ne Farisii tena lole dɛɛ nyiŋi Yeesu kɛ wɛɛ chah baa laanee Ona Tɔpere la ta, ásɛ ba dɔ o waa dɛ́ bol.

Amanesoma Luk Aa Chwera Tɔn 6:7 Referans Kwoze

Amanesoma Luk Aa Chwera Tɔn 20:20

Anomanta, ba sie lɔ o nɛɛ baa kpaahno dɛ dɔɔ. Ba tɛ nɛra bane suuɡa, dɛ tom ba ŋɔ bá ka haɡre Yeesu bela webɔɔre ne, a do kɛŋɔ siswɛm waa baa bɔɔ, ásɛ dɛ dɔɔ lawɛ, dɛ́ kpɔɔ do Rom nomoa waa dɛ di ba harɛ la kpeɡri nɔn ta.

Amanesoma Luk Aa Chwera Tɔn 13:14

Cheremi dea bela nomoa la baah diu kɛ Yeesu aa chah nɛn Ona Tɔpere ta la, dɛ ŋɔ nɛra la aa lɔ bela la be ŋɔ, “Tɔpera anumɛlee chɛ kɛŋɔ yá kpɔ dɛɛ ɛ toma. Anomanta, a ɡɛ tɔpera la taa chɛ kɛ hé baa chah he weela, kɛ Ona Tɔpere te ta laa!”

Amanesoma Mak Aa Chwera Tɔn 3:2

Dɛ nɛra bane lɔ bela dɛɛ nyin dɛ́ kpɔ waa dawɛ Yeesu nɛ. Asɛ baa nyiŋi kɛ wɛɛ chah baa laanee Ona Tɔpere la ta ásɛ ba dɔ o waa dɛ́ bol.

Amanesoma Jɔn Aa Chwera Tɔn 9:16

Asɛ Farisii tena la bane ŋɔ, “Baa nɔ ta Korowii be leɛ, dɛkalkɛ o chɔɡ Ona Tɔpere.” Bane ɡe ŋɔ, “Ɛrɛɛ wechɔɡ-ɛɛ ɛɛ ba wona ɛ nyokpowaa nɔ dɔŋa baa nɔ aa ɛa nɔɔ?” A cheɡɛ a ta ba nyoa ta pɛɛ kpa.

Jeremia 20:10

N dɛ no nɛra bwa aa dɛ ŋwalɛ ŋɔ, “Ɔmee kohona bar yaa cheme! Hé ɡel ya kpɔ o waa ka bil nomonome sie.” N daamanar ɡba dɛ nyin n harɛ lɔe, dɛɛ ŋɔ, “Nomɛl ken ɛɛ won neɡro, ásɛ ya won lawɔ, dɛ́ bɔ ya kem.”

Aesaya 29:21

Wɛɛ chɔɡ banɔ la nɛra aa che ba wobol ta dɛ́ ɛ wechɔɡa, ne banɔ la baa ɡela nɛra baa bol waa dɛɛ pa bole wili, ne banɔ la baa cheɡɛ nyosone ŋwɛnɛ ta, dɛɛ pa nɛra baa di bolsom bolchɔɡe.

Yela 38:12

Nɛra baa dɛ nyin mɛ dɛ́ kpo, haɡre mɛ bela, nɛra baa dɛ nyin n chɔɡa dɛ́ aah mɛ, tɔpere bɛlbwaa baa vɔrɔwe n vɔrɔwa, dɛ́ chɔɡ mɛ.

Matiu 5:39

Kɛ taraken te n ŋɔ, dɛ nomɛl ɛɛ wechɔɡa aa, bɛ wechɔɡa kpɔ bɔɔ kem. Dɛ nomɛlbwa kpaa he diɡ lwɛɛma aa, berɛ ɡal lwɛɛma la ɡe tɛo ó kpaa ja.