Amanesoma Luk Aa Chwera Tɔn 6:48 - mzwDBL

⁴⁸ Naate do kɛŋɔ nɛn waa dɛ ba o dea doe, dɛ kwi o mun pae bɔɔ ka jaɡɛ bwetal ta mɔɔ dɛ ma dea la. Nee aa pala ba jo dea la mun la, o ta chole, dɛkalkɛ o doo kɛrɛdɛ.

Amanesoma Luk Aa Chwera Tɔn 6:48 Referans Kwoze

Yela 62:2

O ɡboo do kɛŋɔ Bwetal, n chwa kaa marɔ wɛɛ lɛɛ mɛ, onee cheɡɛ n habɔɔ, maa chole bwa.

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Aesaya 26:4

Hé kpɔ he te dawɛ Korowii nɛɛ saŋ bɛlbwa. Onee Bwetal waa dɛ tɔ ya nɛɛ saŋ bɛlbwa.

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Yela 32:6

Anomanta, ɡel nɛra baa dɛ tomɛ ɛɛ soŋe ba wahala nae saŋ, ásɛ dɛ wenaale do kɛŋɔ nee waa sua dɛɛ ba naa, o bɛ won tel ba be.

2 Samoɛl 22:32

Korowii habɔɔ, nomɛlbwa toole. O ɡbosoo do kɛ Bwetal n chwa kaa marɔ wɛɛ lɛɛ mɛ.

Sɛɡla 10:25

Wekpeɡa pu wechɔɡ-ɛɛ aa, o dɛ sewɛ, kɛ nɛn o wa aa toɡra te, o dɛ do le saŋ bɛlbwa.

2 Samoɛl 22:47

N jemɔ kɛ Korowii lole saŋ bɛlbwa, o chɛ kpɛɛra. N dɛ kpɛɛ Korowii waa do kɛ Bwetal n chwa kaa marɔ wɛɛ lɛɛ mɛ la!

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

2 Pita 1:10

Anomanta, yabala, Korowii aa le heyaa tɛ o te nɔ, hé takapɔ kɛŋɔ hɛɛ ɡeloo he we-ɛɛla baɡle kɛŋɔ Korowii nɛra waa lee ba la banee heya. He dɛ ɛ ɡɛ naa, haa naa lɔ Yeesu Kristo waa nɔ yaradae ta bwa.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

Neehum 1:8

Kɛ Niniwe te, wɛɛ chɔɡoo kɛŋɔ nee waa sua dɛɛ chɔɡ kwa, ásɛ dɛ doŋi o dɔma ta biro ta.

Yela 95:1

Hé ba ya kpɛɛ Korowii! Hé ɡel ya ɡo silɛɛ yela kpɛɛro, onee do kɛ Bwetal ya chwa kaa marɔ.

2 Samoɛl 22:5

Seo do kɛŋɔ nehɛma dɛ lɔ baa tɔ n nɛ, a lɔɔ ba tɔ n nɛ kɛŋɔ ne aa sua, mɛɛ ba sewa.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

2 Samoɛl 22:2

O ŋɔ, “N Naa Korowii do kɛŋɔ Bwetal maa chwaa kaa marɛ, ne danjwɛkpeɡ dɛɛ lɛɛ mɛ,

1 Samoɛl 2:2

Nomɛlbwa toole dɛ do ɡoroŋ kɛ hen Korowii, he habɔɔ nɛn toole, Lɛɛ bɛlbwa toole kɛ hen Korowii haa ɛ Bwetal yaa tomɛ nɔ.

Mmarare 32:31

He dɔma jemɔ kɛŋɔ he voɡa ta voɡa ɛɛ, a ta doe kɛŋɔ Korowii waa do kɛ Bwetal Israel tena aa dɛ tomɔ nɔ.

Mmarare 32:18

He soh Korowii haa dɛ tomɔ o do kɛŋɔ Bwetal dɛɛ lɛ heyaa kohona, naate waa tɛ heyaa mkpa la wa.

Amanesoma Luk Aa Chwera Tɔn 6:47

Nomɛlbwa waa dɛ ba n be dɛ baa no n waa nɔ dɛɛ ɛa la, mɛɛ chaɡle heyaa ɡɛ waa doa.

Amanesoma Luk Aa Chwera Tɔn 6:49

Nomɛlbwa ɡe waa no n waa nɔ, waa wola ɡɛ aa baɡla la ɛ la, o do kɛŋɔ nɛn waa do o dea, o ta o mun pae bɔɔ kwii ka jaɡɛ bwetal ta mɔɔ dɛ den doo la. Nee aa pala ba jo dea la mun ta la, o cholo dɛ chɔɡ kwaraa.”