Amanesoma Luk Aa Chwera Tɔn 5:2 - mzwDBL

² Yeesu na ɡbeni anɛ ane nɛra bane baa dɛ ɛ nee toma aa lawa vɔwɛ, dɛ le kaa chɛɡɛ ba asauri.

Amanesoma Luk Aa Chwera Tɔn 5:2 Referans Kwoze

Amanesoma Mak Aa Chwera Tɔn 1:19

Baa le bela dɛ la sie tama ken la, o na baala banɛ bane, Sebedii bii Jems ne o nime Jɔn, baa lɔ ba ɡbera bini dɛɛ tɔɔɡe ba asauri.

Matiu 4:21

Waa dɛ kaa sie la, o berɔ ka na Sebedii bii banɛ, Jems ne o nime Jɔn, dɛ ba ne ba mɛɛ lɔ ɡbera bini dɛɛ tɔɔɡe ba asauri, asɛ Yeesu yer ba.

Matiu 4:18

Yeesu aa dɛ valɛ Galilia Moo la nyoa la, o na baala banɛ baa dɛ ɛ nee toma dɛɛ ta asau. Baala banɛ laanee Seemɔn baa dɛ yerɔ Pita la ne o nime Andriu.

Amanesoma Mak Aa Chwera Tɔn 1:16

Belaa Yeesu aa dɛ valɛ Galilia Moo la nyoa la, o na nɛra banɛ bane baa dɛ ɛ nee toma dɛɛ ta asau, Seemɔn ne o nime Andriu.

Amanesoma Luk Aa Chwera Tɔn 5:1

Awola bɛl, dɛ Yeesu cheɡɛ Gɛnɛsarɛt Moo la nyoa, asɛ nɛnlaa bane ba baro cheme, dɛ taɡɛ dɔŋa dɛɛ ba o be dɛ́ ba no Korowii Waa waa dɛ bol la.

Amanesoma Luk Aa Chwera Tɔn 5:3

Belaa o ka jo ɡbera la bɛl bini. Dɛ baa bɛl baa dɛ yerɔ Seemɔn konee. O ŋɔ Seemɔn be ŋɔ ó taɡɛ ɡbera la do tama. Anee o taɡɛ do tama, asɛ Yeesu so o bini dɛ bol waa baɡle nɛnlaa la.

Amanesoma Jɔn Aa Chwera Tɔn 1:40

Dɛ Andriu ɛ nɛra banɛ la Jɔn aa bol waa ba no dɛ teŋɛ Yeesu nɛɛ la bini bɛl. Seemɔn Pita nimee on.