Amanesoma Luk Aa Chwera Tɔn 4:41 - mzwDBL

⁴¹ Kwaa aa dɛ ir nɛra nɛɛ la le ba nɛɛ pirim. Aa dɛ le dɛ a dɛ dooɡe lɔŋɔre dɛɛ ŋɔ, “Henee Korowii Bie la!” Yeesu kah kwaa la, o ta ɡelɛ a bol wa, dɛkalkɛŋɔ a jemɔ kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ o nɛra la.

Amanesoma Luk Aa Chwera Tɔn 4:41 Referans Kwoze

Amanesoma Mak Aa Chwera Tɔn 1:34

O chah nɛndamanta weela bwa soo siwi aa lɔ ba nɛ, dɛ doŋi kwaa ɡe le nɛndamanta nɛ. O ta kwaa la ŋwɛnɛ tɛɛ a won bol wa, dɛkalkɛŋɔ a jemɛ o nɛnsoo.

Jems 2:19

He dɛ yarada kɛŋɔ Korowii beŋkpoŋii lole naa? A wer ɡa! Kɛ he ne Bɔnsam toromaa soɡe dabeŋkpoŋ ta. Ba ɡba dɛ yarada Korowii ɔmee ne bochela ne.

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Amanesoma Mak Aa Chwera Tɔn 3:11

Banɔ la kwaa aa dɛ ir ba nɛɛ la nao waa, ɡɛɛ ba choɡli o sie dɛ kpɔ takpeɡ dɛɛ bol waa o be, ŋɔ, “Henee Korowii Bie la!”

Matiu 4:3

Anee Bɔnsam ba o be dɛ ba ŋɔ o be ŋɔ, “Dɛ henee Korowii Bie la kpela aa, ɡel bwea nɔ berɛ paanoo hé di.”

Matiu 26:63

Yeesu mwaa o ne, o ta wobɛlbwa chaŋɛ. Anee Sɔfonomoa la berɛ ŋɔ o be ja ŋɔ, “N ŋwɛɛ Korowii waa lole saŋ bɛlbwa nɔ kɛŋɔ, dɛ henee o Bie Kristo la waa baɡɛ yaa nyoa ŋɔ wɛɛ tomɔɔ ó ba lɛ yaa la aa, ɡel ya jemɛ fini.”

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

Amanesoma Mak Aa Chwera Tɔn 1:25

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ.”

Matiu 8:4

Anee Yeesu kaoh ŋɔ, “Bɛ nomɛlbwa be ŋɔ. Pa sie kaa Sɔfo be, dɛ́ kpɔ he te ka baɡlo ó pɛne, ásɛ he kpɔ kwaa ka tɛo ó kpo ɡɛ Mosis aa chaɡla la, á baɡle kɛ he weela la toole he nɛɛ kpa.”

Matiu 8:16

Bɔr aa joa la, ba kpɔ nɛra kwaa aa dɛ ir ba nɛɛ ba Yeesu be, o kpɔ o nyoa wobol doŋi kwaa la le ba nɛ, asɛ dɛ chah weela tena ɡe.

Amanesoma Mak Aa Chwera Tɔn 1:32

Wee aa joa la, ba kpɔ weela tena ne nɛra kwaa aa dɛ ir ba nɛɛ bwa ba Yeesu be.

Amanesoma Luk Aa Chwera Tɔn 4:39

Belaa o la weela te la be o chɔɔbɔr, dɛ ka che o jwɛh, dɛ kɔr o weela la, asɛ a le o nɛ o bwara sɔɔhno, buɡ la ta, o ir dɛ daa kwaa tɛɛ ba.