Amanesoma Luk Aa Chwera Tɔn 4:22 - mzwDBL

²² Belaa nɛra la bwa kpɛɛro. Ba nyoa kpo ɡɛ o nyoa ne wobol aa soma la, asɛ ba ŋɔ, “Josef bie la laa nɔ naa?”

Amanesoma Luk Aa Chwera Tɔn 4:22 Referans Kwoze

Amanesoma Jɔn Aa Chwera Tɔn 6:42

Asɛ ba ŋɔ, “Amɔ Josef bie Yeesu la laa kɛɛ? Ya jemɛ o nya ne o mɛɛ bwa. Aah ɛrɛɛ o berɛ ŋɔ nyunduaa o te le ba nɔɔ?”

Yela 45:2

Henee wera kohona, baala bwa bini, he nyoa jemɛ wobol ɡe, dɛkalkɛ Korowii sweere andɛɛɡa saŋ bɛlbwa dɛɛ la.

Sɛɡla 16:21

Nɛn o liire aa wera dɛ dɔ wejema laanee ba ŋɔ o dɛ no waa mun. O wobosoma taa a che nɛra sɛh dɛɛ ba o be.

Taetos 2:8

Gel a toɡre kɛrɛdɛ, nɛra bɛ a wobɛlbwa dɔ dɛ́ bol, ásɛ nɛra baa dɛ tɔŋle heyaa bɛ ya wechɔɡe bɛlbwa dɔ dɛ́ bol, ásɛ sihiih kpo ba.

We-ɛɛla 6:10

Baa dɛ tɔŋlo la, Korowii Domadɛɛɡe la tɛ Steeven wejema kohona, dɛ ɡel wobɛlbwa waa bola la, baa wechɔɡe bɛlbwa na a ta. O bol waa la bwa bɔ ba.

Amanesoma Jɔn Aa Chwera Tɔn 7:46

Anee ba ŋɔ, “Baa la waa waa dɛ bol la, nomɛlbwa ta o wobol dɔŋa bolɛ bwa.”

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Yelsom 5:16

O nyoa som ne moe, o wobɛlbwa wer tɛ mɛ. Jerusalam haahna, ɡɛ n sɛnodɛɛɡe aa doa mɛɛ nyinu kohona laanee la.

Sɛɡla 25:11

Wobol aa wera dɛ maɡre la, do kɛŋɔ suuɡaswɛm baa kpɔa di suuɡapoŋ ɡwini ken.

Sɛɡla 10:32

Nɛn o wa aa toɡra wobol dɛ́ sɔɔh baah, kɛ nɛnchɔɡe te, o wobol dɛ muɡli baah.

Yela 45:4

Che kan haa doa ta ka yo, dɛ́ pɔ he dɔma nɛ, dɛ́ kpɔ kasinteŋ ne toɡra he wa aa toɡra, bol waa dɛɛ pa bole. He kpeɡri kohona ɛɛ ɡeloo hé pɔ he dɔma nɛ.

Amanesoma Luk Aa Chwera Tɔn 2:47

Nɛra baa lɔ bela dɛɛ no waa la bwa nyoa kpo ɡɛ waa jemɛ waa kohona, ne ɡɛ baa dɛ bɔɔro waa asɛ o won dɛɛ baɡle a bini kɛrɛdɛ la ta.

Wejereme 10:12

Jirima lɔ wejereme nyoa, kɛ ɡɛne te, o ɡbabir nyoa wobolee dɛɛ chɔɡo.

Amanesoma Luk Aa Chwera Tɔn 2:48

O nya ne o mɛɛ aa nao la, ba nyoa kpoo, anee o nya bɔɔro ŋɔ, “N bidɛɛɡe, bɔkwa waa he ɛ yaa ken? N ne he mɛɛ bwa siwi swɛɛrɔ, ya kpɔ sibeɡra dɛɛ ɡaaɡe he bɔr.”

Amanesoma Luk Aa Chwera Tɔn 4:21

O berɔ ŋɔ ba be ŋɔ, “Fini, waa haa noa le Korowii Tɔn bini nɔ chiɡo ɡɛ Korowii aa bola ŋɔ aa ɛo la.”

Amanesoma Jɔn Aa Chwera Tɔn 1:45

Felep ɡe kaa na Nataaneɛl, dɛ ŋɔ o be ŋɔ, “Ya na naate Mosis aa chwerɛ o waa Korowii Tɔn bini la. O waa Korowii keamere la ɡe chwerɛ la. O sɔne Yeesu. Josef waa le Nasarɛt la biee.”