Amanesoma Luk Aa Chwera Tɔn 3:18 - mzwDBL

¹⁸ Amanesoma Jɔn aa bola dɛ kpɔ ja nɛra la te ta nyoa dɔe.

Amanesoma Luk Aa Chwera Tɔn 3:18 Referans Kwoze

We-ɛɛla 2:40

O bol waa kohona dɛ ja ba, dɛ ɡbɛɡbɛ ba ŋɔ, “Fini nɛra wechɔɡa kan ɡa. Hé takapɔ dɛ́ laa he te le nɛnchɔɡa la Korowii aa dɛ ba ba wechɔɡa kpɔe dɛ bɔ ba kem la bini.”

Amanesoma Jɔn Aa Chwera Tɔn 1:34

A ɡɛ waa nɔ chiɡo n na, anomanta, n dɛ ŋɔ he be ŋɔ Korowii Biee on.”

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

Amanesoma Jɔn Aa Chwera Tɔn 1:15

O waa Jɔn faa bol kohona dɛɛ ŋɔ, “Nɛn n fa aa dɛ bol o waa dɛ ŋɔ men tɔ sie o nɛɛ kɛ o ɡwaa mɛ, dɛkalkɛŋɔ o lole mɔɔ ba lol mɛ la, on la.”

Amanesoma Luk Aa Chwera Tɔn 3:17

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Amanesoma Luk Aa Chwera Tɔn 3:19

Jɔn ŋɔ Galilia Kooro Hɛrɔd be ŋɔ moe waa mo o nime haah Hɛrɔdeas la, ne wechɔɡa bwa waa ɛa ja la ta maɡrɛ.

We-ɛɛla 20:2

O kpɔ baah bela bwɛɛre la ta, dɛ bol waa baɡ ba taeh dɛ ja ba, dɛ le bela ba Grik tena harɛ ta.

Tɔn Pɔɔl Aa Chwerɛ Rom Tena 12:8

Dɛ nɛra ɡbemba doe kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ dɔŋa kwaa kɛɛ kpeɡrii o tɛɛ naa, a chɛ kɛ hɛɛ ɛa bambile bwa ne. Dɛ waa sie tɔe kpeɡrii o tɛɛ naa, a chɛ kɛ hɛɛ ɛa tea bwa ne. Dɛ wedɛɛɡa ɛɛ kpeɡrii o tɛɛ naa, a chɛ kɛ hɛɛ ɛa tepoŋ ne.