Amanesoma Luk Aa Chwera Tɔn 3:13 - mzwDBL

¹³ Anee o chaŋ ba ŋɔ, “He bɛ suuɡa lɛ dɛɛ ɡwaa ɡɛ aa chɛ kɛŋɔ hɛ́ɛ lɛ.”

Amanesoma Luk Aa Chwera Tɔn 3:13 Referans Kwoze

1 Kɔrent 6:10

ne ŋwɛɛra, ne nɛra ba sie aa dɛ beɡre ba dɔŋa kwa, ne sennyɔdɛɛra, ne nɛra baa dɛ bol dɔŋa wobochɔɡa, dɛ nɛra baa dɛ faah nɛra, nɛn waa dɛ ɛ a ɡɛ waa nɔ te bɛlbwa la, waa Korowii Kora la taa ja.

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

Ɛfesos 4:28

He fa dɛ ŋwɛ kɛɛ? Hé ɡel ɡɛ ɛɛ dɛ́ kpɔ he nɔɔra haa kpɔa dɛɛ ŋwɛ la dɛɛ ɛ tondɛɛɡa dɛ́ dɔ dɛɛ di, dɛ́ won dɔ ane dɛɛ tɛ nyaara ba ɡee di.

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Matiu 7:12

Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba. A ɡɛɛ dɛɛ baɡle Mosis Mmara la, ne Korowii keamere la webaɡla la bini kɛrɛdɛ.”

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Yela 18:23

O ta n bwara waa dɔe dɛ bol bwa, n laa n te kpɔ wechɔɡa ɛɛ ta.

Amanesoma Luk Aa Chwera Tɔn 3:12

Belaa toɔ lɛɛra baa dɛ bɔ apoo bane ba ŋɔ ó sɔ ba Korowii ne, dɛ bɔɔro ŋɔ, “Nomoa, ɛrɛɛ chɛ kɛŋɔ yá ɛɔ?”

Amanesoma Luk Aa Chwera Tɔn 3:14

Soojare bane ɡe ba o be dɛ ba bɔɔro ŋɔ, “Asɛ ya ɡe sɛh? Ɛrɛɛ chɛ kɛŋɔ yá ɡee ɛɔ?” Asɛ o ŋɔ ba ɡe be ŋɔ, “He bɛ nɛra ɛɡre dɛɛ lɛ suuɡa ba be, dɛ bɛ nomɛlbwa ɡe suuɡa lɛ dɛ tɔ o wechɔɡa ta. Hé ɡel he kembɔr ɛɛ su he siwi.”