Amanesoma Luk Aa Chwera Tɔn 3:1 - mzwDBL

¹ Gɛ saŋ Siisa Tibeereɔs aa di Rom kora bene fi dɛ anue la, dɛ Pɔnteɔs Paelet ɛ Juda harɛ nomoa, asɛ Hɛrɔd ɛ Galilia harɛ kooro, asɛ o dɔɔ Felep ɛ Ituria ne Trakonaetes harɛre kooro. Dɛ Laiseenias ɛ Abilini harɛ kooro,

Amanesoma Luk Aa Chwera Tɔn 3:1 Referans Kwoze

Amanesoma Luk Aa Chwera Tɔn 2:1

A ɡɛ saŋ la Rom Koojen bɛl baa dɛ yerɔ Ɔɡɛstas la do mmara ŋɔ bá kure nɛra baa lɔ harɛ bobɛlbwa.

Matiu 27:2

dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.

We-ɛɛla 26:30

Belaa Kooro Aɡrepa ne Nomoa Fɛstɔs ne Bɛnes, ne nɛra baa lɔ bela la bwa ir,

We-ɛɛla 24:27

Bene anɛ baa ɡale, asɛ Fɛlekse le kara ta, asɛ Pɔkeɔs Fɛstɔs ba di kara. Dɛ Fɛlekse dɛ nyin kɛ Juu tena sie lɛ o nɛ, anomanta, o ɡelɔ Pɔɔl ta do dea.

We-ɛɛla 23:26

Men Klɔdeɔs Lisiasii chwerɛ tɔn nɔ dɛɛ tɛ n nomoa Fɛlekse. He le aa?

We-ɛɛla 4:27

Kpela ɡe, Hɛrɔd, ne Pɔnteɔs Paelet ne nɛra baa wola Juu tena ɛɛ, ne Israel tena bwa cheme bwɛjen nɔ ta. Ba yo Yeesu, he ɡbaɡba bonɔɔ waa wola wechɔɡe bɛlbwa dɔe la. Onee he ɛ he Kristo la.

Amanesoma Luk Aa Chwera Tɔn 23:24

asɛ o sɛh ɡɛ baa dɛ nyin tɛɛ ba, dɛ kpɔ waa la dawɛ Yeesu nɛ.

Amanesoma Luk Aa Chwera Tɔn 9:7

Kooro Hɛrɔd waa dɛ nyiŋi Galilia harɛ ta aa no waa Yeesu aa dɛ ɛ la bwa la, o liire ɛo sakaa ken, dɛkalkɛŋɔ dɛ nɛra bane dɛ bol ŋɔ Jɔn o fa aa dɛ sɔ nɛra Korowii nee la ir seo ta.

Amanesoma Luk Aa Chwera Tɔn 3:19

Jɔn ŋɔ Galilia Kooro Hɛrɔd be ŋɔ moe waa mo o nime haah Hɛrɔdeas la, ne wechɔɡa bwa waa ɛa ja la ta maɡrɛ.

Amanesoma Mak Aa Chwera Tɔn 6:17

Dɛ kooro la mo o ɡbaɡba nime Felep haah baa yerɔ Hɛrɔdeas, asɛ Jɔn ŋɔ o be ŋɔ o ta an aŋwɛnɛ ta ɛɛ.

Matiu 14:3

Kooro Hɛrɔd nɔ fa ɡelɔ ba lawɛ Jɔn, dɛ doo kpɛɛ dɛ kpɔɔ ka do dea. Kooro nɔ nime Felep haah Hɛrɔdeas waa o koh ɛ Jɔn ɡɛ la,

Matiu 14:1

Kooro Hɛrɔd waa dɛ nyiŋi Galilia harɛ ta ɡɛ saŋ la no Yeesu wa,

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Matiu 14:6

Awola bɛlee kooro la ɛɛ di o lola tɔpere, asɛ Hɛrɔdeas bihaah ba sa baɡle nɛra la bwa. O sae la ɡelɔ kooro la sie lɛ.

Matiu 22:17

Anomanta, chaɡle yaa ɡɛ haa na waa nɔ yá jemɛ. Ya mmarare dɛ tɛ yaa ŋwɛnɛ kɛ ya bɔ toɔ dɛɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

Amanesoma Mak Aa Chwera Tɔn 6:21

Tɔpere aa tela kɛ kooro la di o lola tɔpere la, o ɛ kondikwaa dɛ yawɛ sene dɛ hɛlɛ, dɛ lɛ o koranar baa sawɔ ne Galilia nomonome bwa sie.

Amanesoma Luk Aa Chwera Tɔn 13:31

Yeesu taa cheɡɛ buɡ la ta la, Farisii tena bane ba o be dɛ ba ŋɔ o be ŋɔ, “A chɛ kɛ he le bonɔ dɛ kaa bobɛl, dɛkalkɛŋɔ Kooro Hɛrɔd dɛ nyini dɛ́ kpoe.”