Amanesoma Luk Aa Chwera Tɔn 23:9 - mzwDBL

⁹ Kooro Hɛrɔd bɔɔro waa taeh, asɛ o mwaa o ne.

Amanesoma Luk Aa Chwera Tɔn 23:9 Referans Kwoze

Matiu 27:14

Yeesu ta wobɛlbwa chaŋɛ, o ta a bɛlbwa tɔeh, asɛ nomoa Paelet nyoa kpo kohona.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

We-ɛɛla 8:32

Dɛ Korowii Tɔn waa nomoa la aa dɛ kure laanee la. “O helɔ kɛŋɔ baa lawɛ pee kaa kpobɔr. O tɔ nyoa kɛŋɔ baa dɛ fonɛ pebie pona o yon tɔ nyoa la. O ta nyoa pile bol wobɛlbwa sese.

Amanesoma Luk Aa Chwera Tɔn 13:32

Anee Yeesu ŋɔ ba be ŋɔ, “Hé ka ŋɔ baradeɛre te la be ŋɔ, ‘Mɛɛ so lee dɛɛ doŋi kwaa aa dɛ ir nɛra nɛ, dɛɛ chah weela tena tɔpera anɛ mɔɔ dɛ́ tonɛ n toma.’

Matiu 7:6

Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”

Aesaya 53:7

Ba ɛo hɔhɔrɔwa, kɛ o helɔ, o ta nyoa pile. O tɔ nyoa kɛŋɔ baa lawɛ pebie dɛɛ kaa kpobɔr la. O ɛo jeiih kɛŋɔ penee baa dɛ fonɛ o pona ken. O ta nyoa pile dɛ bol wobɛlbwa sese.

Yela 39:9

N tɔ nyoa name, maa wobɛlbwaa bol kpa, henee ɛɛ mɛ ɡɛ.

Matiu 27:12

Sɔfonomonome ne harɛ nomonome la teŋe nyosone dawɛ Yeesu nɛ, kɛ Yeesu ta ban chaŋɛ.

Amanesoma Mak Aa Chwera Tɔn 15:5

Yeesu ta wobɛlbwa chaŋɛ, asɛ Paelet nyoa kpo.

Amanesoma Luk Aa Chwera Tɔn 23:10

Belaa Sɔfonomonome ne Tɔnjerema la bol waa takpeɡ ne dɛɛ dawɛ o nɛ.

Amanesoma Jɔn Aa Chwera Tɔn 19:9

Anomanta, o berɔ jo koodem bela, asɛ dɛ ka bɔɔ Yeesu ŋɔ, “Lepetenee he leɔ?” Kɛ o ta on chaŋɛ.