Amanesoma Luk Aa Chwera Tɔn 23:35 - mzwDBL

³⁵ Nɛnlaa cheɡɛ bela dɛɛ nyiŋu. Juu tena nomonome muɡli o baah ŋɔ, “Kɛ he wono lɛ bane oo? Dɛ he ŋɔ henee Kristo la Korowii aa leo la aa, lɛ he te yá na!”

Amanesoma Luk Aa Chwera Tɔn 23:35 Referans Kwoze

Yela 22:17

N ka hoɡa ɡbo, n dɔma nyiŋ mɛ dɛɛ mamɛ.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

1 Pita 2:4

O te ɛ Bwe waa dɔ mkpa. Nɛwɛnyini liiru konsala dɛ vɛoh, kɛ onee Korowii te nyiŋi kɛ o ɛ Bwedɛɛɡe o wa aa hiah dɛɛ nyinu. Haa ba o be nɔ,

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

Matiu 12:18

O bolɔ ŋɔ, “N bonɔɔ maa leo laanee la. O waa mɛɛ nyin, asɛ n sie ɡee lɛ o nɛɛ ɡa. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Wiile 3:14

A cheɡɛ a ta n nɛra kpɔ mɛ berɛ akwekwe nɛn, tɔpebir bwaa n mama ber ba yela baa ɡo.

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Yela 71:11

Ba dɛ bol ŋɔ, “Korowii vɛoh, hé ɡel ya tiu dɛ́ lawɔ, nomɛlbwa toole dɛ́ lɛo.”

Yela 69:26

dɛkalkɛ ba dɛ ɛ nɛra haa tɛr ba deŋne la hɔhɔrɔwa, dɛɛ bol nɛra haa do ba bola, ba bonyɛɡa baa dɛ na la wa.

Yela 35:15

Kɛ wenaale aa puu mɛ la, ba sie lɛo, dɛ ba bar mɛ cheme, dɛɛ di n loro. Ba teŋɔ do mɛ hɔhɔrɔwa kohona, baa wola n nɛɛ sune.

Yela 4:2

Saŋ besoo he nɛra haa dɛ chɔɡ mɛ la ɛɛ ba ɡela ɔ? Saŋ besoo hɛɛ ba waa aa ɛ wepuu, ne nyosone waa ta teŋa ɡela ɔ?

Amanesoma Luk Aa Chwera Tɔn 23:13

Paelet yerɛ bela tena ne Sɔfonomonome ne bwɛɛ nomonome ba cheme,

Amanesoma Luk Aa Chwera Tɔn 23:39

Wechɔɡ-ɛɛra baa ja o nɛɛ la bɛl bol waa yaɡɔ ŋɔ, “He laa Kristo la kɛɛ? Lɛ he te dɛ́ lɛ ya ɡeo.”