Amanesoma Luk Aa Chwera Tɔn 23:16 - mzwDBL

¹⁶ Kɛ mɛɛ ɡeloo bá lɔɔro bampɔrɔ ŋwɛɛra ne dɛ́ kpɔɔ ta.”

Amanesoma Luk Aa Chwera Tɔn 23:16 Referans Kwoze

Matiu 27:26

Belaa Paelet le Barabas ta, ɡɛ baa dɛ nyin la, dɛ ɡel ba lɔɔ Yeesu bampɔrɔ ŋwɛɛra ne mɔɔ dɛ kpɔɔ tɛ ŋɔ bá ka kpaaro pɛl daɡaɡre ta.

Amanesoma Luk Aa Chwera Tɔn 23:22

O bɔɔ ba toorotena ŋɔ, “Wechɔɡa besoo o ɛɔ? N ta wechɔɡa waa ɛa a chɛ kɛ ba kpoo nae! Mɛɛ ɡeloo bá lɔɔro chweema ne dɛ́ kpɔɔ ta.”

Amanesoma Mak Aa Chwera Tɔn 15:15

Paelet aa wola nyin kɛŋɔ nɛnlaa la bwaawee ir o nɛɛ la, o le Barabas ta tɛɛ ba dɛ ɡel ba lɔɔ Yeesu bampɔrɔ ŋwɛɛra ne mɔɔ dɛ kpɔɔ tɛ ŋɔ bá ka kpaaro pɛl daɡaɡre ta.

We-ɛɛla 16:37

Anee Pɔɔl ŋɔ toroma la be ŋɔ, “Rom tenaa ya bwa, kɛ ba lɔɔ yaa pɛɛpɛɛ bombaah ta dɛ tɔ yaa dea, dɛ ba ta ya waa bolɛ dɛ na wechɔɡa bɛlbwa ya nɛ. Aah taraken nɔ sɔeh ba berɛ dɛɛ nyin dɛ sɔh ta yaa nɔ naa? Aa maɡre! Hé ɡel Rom nomonome la ɡbaɡba ba lawɛ yaa le!”

Aesaya 53:5

Ya wechɔɡa waa ba doo bol, ya wechɔɡa waa ba lɔɔro. Gɛ aa ɛ yá dɔ bosɔɔhna waa o dɔ deŋnetɛra, á che a ta ya dɔ bokpeɡa.

Amanesoma Luk Aa Chwera Tɔn 6:37

He bɛ dɔŋa dɛɛ pwah, ásɛ Korowii ɡe bɛ heyaa pwah. He bɛ dɔŋa bolchɔɡe dɛɛ pa, ásɛ Korowii ɡe bɛ heyaa bolchɔɡe pa. Hé kpɔ he dɔŋa wechɔɡa dɛɛ kɛ ba, ásɛ Korowii ɡe kpɔ he wechɔɡa dɛɛ kɛ heya.

Amanesoma Luk Aa Chwera Tɔn 23:17

Dɛ ɡɛ ba tɔpejen baa dɛ yerɔ Galekaa la we-ɛɛla aa doa la, o telaa, ba yon le wechɔɡ-ɛɛra baa do ba dea la beŋkpoŋ ta ó kaa.