Amanesoma Luk Aa Chwera Tɔn 22:8 - mzwDBL

⁸ Yeesu tomɛ Pita ne Jɔn dɛ ŋɔ ba be ŋɔ, “Hé kaa dɛ́ ka ɛ Galekaa kondikwaa ásɛ ya ba di.”

Amanesoma Luk Aa Chwera Tɔn 22:8 Referans Kwoze

We-ɛɛla 8:14

Yeesu toroma baa lɔ Jerusalam aa noa kɛŋɔ Samaria tena yarada Korowii waa la,

We-ɛɛla 4:19

Anee Pita ne Jɔn chaŋe ŋɔ, “Hé ɡbabir di kasinteŋ. He ɔma ne Korowii ɔma, amee maɡra Korowii be nɔ?

We-ɛɛla 4:13

Dɛ Pita ne Jɔn aa tɔn jemɛ kohona bɛlbwa, dɛ ɛ nɛmpɛɛne baa wola Korowii waa hwele kohona bɛlbwa. Nomonome la aa na bambile la soo baa wona kpoŋe dɛɛ bol waa la, dɛ a ɛɛ ba anebɛlbwa. Belaa ba sie chaah ba nɛɛ kɛŋɔ ba fa teŋɛ Yeesu nɛɛ dɛɛ hwelu. An ɡela ba jemɛ waa dɛ dɔ bambile ɡɛ la.

We-ɛɛla 3:11

Baa la toɔh pɛl Pita ne Jɔn, asɛ ba ne o ka tel Korowii Dea la bobɛl baa dɛ yerɛ bela Solomɔn Pato la, asɛ nɛra la aa nao la, ba nyoa kpoo, asɛ ba bwa chwa biribiri ken dɛ ba Pita ne Jɔn ne baa la be bela.

We-ɛɛla 3:1

Awola bɛl, Pita ne Jɔn la Korowii Dea wekee saŋ. A ɡɛ saŋ nɔɔ nɛra la bwa cheme dɛɛ soŋe Korowii webaŋa.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Matiu 3:15

Anee Yeesu ŋɔ, “Taraken nɔ te, sɔ mɛ. He sɔ mɛ naa, ɡɛɛ yaa ba wona ɛ wedɛɛɡa aa dɛ su Korowii siwi la bwa.” Asɛ mɔɔ Jɔn sɛh dɛ sɔɔ nee la.

Amanesoma Luk Aa Chwera Tɔn 22:9

Anee ba bɔɔro ŋɔ, “Leperaa hɛɛ nyin kɛŋɔ ya ɛa cheɡ ɔ?”

We-ɛɛla 3:3

Pita ne Jɔn aa dɛ ba dea bela joe la, o soŋ ba ŋɔ bá tɛo komɛl.

Galaasia 2:9

Jems ne Pita dɛ Jɔn nomɛlbwa aa dɛ yer ba asɔre tena nomonome la, ba ɡbabir sɛoh kɛŋɔ Korowiirii kpɔ ɡɛ toma nɔ do n nɔn ta, dɛ cha mɛ a ta. Anomanta, ba do nɔɔra n nɔn ta, dɛ baɡle kɛŋɔ nɛmbeŋkpoŋii ya bwa Korowii toma nɔ bini. Ya nyoa pɛo, asɛ ba sɛh kɛŋɔ n ne Banabas ɛɛ bol Yeesu waa dɛɛ baɡle nɛra baa wola Juu tena ɛɛ, ásɛ ba ɡee baɡle Juu tena.