Amanesoma Luk Aa Chwera Tɔn 22:70 - mzwDBL

⁷⁰ Asɛ ba bwa ŋɔ, “Amɔ he ɛ Korowii Bie kɛɛ?” Anee Yeesu ŋɔ, “Anee he bol la.”

Amanesoma Luk Aa Chwera Tɔn 22:70 Referans Kwoze

Amanesoma Luk Aa Chwera Tɔn 23:3

Anee Paelet bɔɔ Yeesu ŋɔ, “Henee Juu tena kooro ɛ?” O ŋɔ, “Anee he bol la.”

Amanesoma Mak Aa Chwera Tɔn 15:2

Belaa Paelet bɔɔro ŋɔ, “Henee Juu tena kooro ɛ?” Asɛ Yeesu ŋɔ, “Anee he bol la.”

Matiu 27:11

Dɛ Yeesu ɡe cheɡɛ nomoa Paelet sie. Asɛ Paelet bɔɔro ŋɔ, “Henee Juu tena kooro ɛ?” Asɛ Yeesu ŋɔ, “Anee he bol la.”

Matiu 26:64

Anee Yeesu chaŋo ŋɔ, “Anee he bol la. Kɛ n berɔ dɛɛ ŋɔ he bwa be ŋɔ, tɔpebɛl hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Amanesoma Jɔn Aa Chwera Tɔn 19:7

Belaa Juu tena la berɛ chaŋo ŋɔ, “Ya dɔ Mmara bɛl waa dɛ baɡle kɛ o chɛ kpoe, dɛkalkɛ o dɛ yerɛ o te Korowii Bie.”

Amanesoma Jɔn Aa Chwera Tɔn 18:37

Yeesu aa ŋɔ ɡɛ la, anee Paelet bɔɔro ŋɔ, “Amɔ kooroo hen kpela kenɛ?” Asɛ o chaŋo ŋɔ, “Henee ŋɔa kooroo men. Kasinteŋ bola waa ba lol mɛ. A waa n ba harɛ nɔ ta dɛ ba bol kasinteŋ la nɛra bwa be. Nomɛlbwa waa dɛ nyin kasinteŋ la, on dɛɛ no n be.”

Amanesoma Jɔn Aa Chwera Tɔn 10:36

dɛ men n Mɛɛ Korowii aa lee mɛ dɛ tom mɛ harɛ nɔ ta la ŋɔ Korowii Biee men aa, ɛrɛɛ he ŋɔ n dɛ bol musu waa nɔɔ?

Amanesoma Jɔn Aa Chwera Tɔn 10:30

N ne n Mɛɛ la bwa ɛ beŋkpoŋ.”

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Amanesoma Jɔn Aa Chwera Tɔn 1:34

A ɡɛ waa nɔ chiɡo n na, anomanta, n dɛ ŋɔ he be ŋɔ Korowii Biee on.”

Amanesoma Luk Aa Chwera Tɔn 4:41

Kwaa aa dɛ ir nɛra nɛɛ la le ba nɛɛ pirim. Aa dɛ le dɛ a dɛ dooɡe lɔŋɔre dɛɛ ŋɔ, “Henee Korowii Bie la!” Yeesu kah kwaa la, o ta ɡelɛ a bol wa, dɛkalkɛŋɔ a jemɔ kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ o nɛra la.

Amanesoma Mak Aa Chwera Tɔn 14:62

Asɛ Yeesu ŋɔ, “Menee, hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Matiu 27:54

Sooja nomoa ne o soojare baa dɛ daah Yeesu la aa na ɡɛ harɛ aa jiɡra ne waa aa chiɡa la, ba ɔmɔ, asɛ ba ŋɔ, “Korowii Biee baa nɔ kpela!”

Matiu 27:43

O ŋɔ Korowii nɛɛ o sie dawɛ, dɛ ŋɔ Korowii Biee on. Dɛ o waa dɛ lɛ Korowii sie te naa, amɔ Kórowii ba lɛo taraken.”

Matiu 4:3

Anee Bɔnsam ba o be dɛ ba ŋɔ o be ŋɔ, “Dɛ henee Korowii Bie la kpela aa, ɡel bwea nɔ berɛ paanoo hé di.”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Yela 2:7

Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

Matiu 26:25

Anee Judas waa dɛ ba o lee tɛ la ɡe pɛɛro ŋɔ, “N Dɔɔ, menee kɛɛ?” Anee Yeesu ŋɔ, “Anee he bol la.”

Amanesoma Luk Aa Chwera Tɔn 22:71

Belaa ba ŋɔ, “Amɔ o ɡbaɡba aa bola nɔ, danseɛ besoo yá berɛ dɛɛ nyin jaɔ?”