Amanesoma Luk Aa Chwera Tɔn 22:7 - mzwDBL

⁷ Paanoo Iisi Aa Wola Toole a ta tɔpere la ba yon dɛɛ kpoo Galekaa pebiiri aa tela la,

Amanesoma Luk Aa Chwera Tɔn 22:7 Referans Kwoze

Kaala 12:18

Korobie waa tɔ sie la, tɔpera fi dɛ anaarɛ ta jɔmɔra, hé pa mun di paanoo iisi aa wola toole a ta ka tel korobie la tɔpera fifraanɛ dɛ beŋkpoŋ la ɡe jɔmɔra.

1 Kɔrent 5:7

Anomanta, hé laa ɡɛ wechɔɡ-ɛɛ la kpɔ he bini, ásɛ o wechɔɡa aa do kɛŋɔ iisi la bɛ heyaa bu, ásɛ he do wer kɛŋɔ paanoo baa wola iisi a ta doe, dɛ di Galekaa Tɔpejen la. He do ɡɛ kpela. Yeesu Kristo koh ya waa dɛ sewɛ kɛŋɔ baa kpo peebie Galekaa tɔpere ta la.

Amanesoma Luk Aa Chwera Tɔn 22:1

Aa ka tama ba tɔpejen baa dɛ yerɔ Galekaa baa kpɔ Paanoo Iisi Aa Wola Toole a ta dɛɛ diu la tel la,

Kaala 12:6

Hé nyiŋa dɛ ka tel korobie nɔ tɔpera fi dɛ anaarɛ ta, a ɡɛ saŋee Israel tena ɛɛ ba a kpoora jɔmɔra.

Amanesoma Luk Aa Chwera Tɔn 22:6

O sɛh dɛɛ nyin saŋ waa wera nɛnlaa la aa wola Yeesu be do ásɛ o leo tɛɛ ba.