Amanesoma Luk Aa Chwera Tɔn 22:38 - mzwDBL

³⁸ Belaa o habɔteŋra la ŋɔ, “Ya Dɔɔ, tokobie anɛɛ la.” Anee Yeesu ŋɔ, “A maɡrɔ.”

Amanesoma Luk Aa Chwera Tɔn 22:38 Referans Kwoze

Amanesoma Luk Aa Chwera Tɔn 22:49

O habɔteŋra o ne baa lɔ bela la aa na waa aa dɛ ba bala la, ba ŋɔ o be ŋɔ, “Nomoa, yá kpɔ ya tokobie nɔ ya ne ba yo aa?”

Amanesoma Jɔn Aa Chwera Tɔn 18:36

Asɛ Yeesu chaŋo ŋɔ, “Harɛ ta bonɔ laa mɛɛ di kora. Dɛ harɛ ta bonɔɔ mɛɛ di kora aa, n nɛra fe aa sɛh bá kpɔ mɛ tɛ Juu tena, ba fe ɛɛ yoo lɛɛ mɛ. Kɛ harɛ ta bonɔ kora laa mɛɛ di.”

1 Pita 5:9

Anomanta, hé che kiŋkiŋ he yarada ta. He bɛ Bɔnsam ŋwɛnɛ tɛ. Hé jemɛ kɛ he bala baa dɛ yarada Yeesu bobɛlbwa la dɛ na a ɡɛ waa nɔ haa dɛ na nɔ dɔŋa.

1 Tesalonika 5:8

Ya te yaa ɛ bochaah ta nɛra nɔ, hé ɡel ya sie chɔ harɛ, ásɛ dɛ kpɔ yarada ne nɛnnyin ɛ ya laa batakaare kɛŋɔ baa do laa batakaare dɛɛ yo laa la, dɛ́ berɛ kpɔ hwɛɡa yaa dɔa ya Dɔɔ Yeesu be kɛŋɔ wɛɛ lɛ yaa la ɛ buni ɡbɛrɛ dɛ́ kpɔ pi.

Matiu 26:51

Nɛra baa ja Yeesu nɛɛ la bɛl pamɛ o kere le o tɔɔ ta, dɛ kpɔ ŋwɛnɛ Sɔfonomoa la bonɔɔ deŋne laa cha.

Amanesoma Luk Aa Chwera Tɔn 22:36

Anee Yeesu ŋɔ, “Name te nomɛlbwa waa dɔ suuɡa kɛɛ bone la, ó kpɔ, ásɛ nomɛlbwa waa wola dɔmkon dɔe la ɡe yoɡ o yal dɛ́ kpɔ yawɛ bɛl.