Amanesoma Luk Aa Chwera Tɔn 21:36 - mzwDBL

³⁶ Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Amanesoma Luk Aa Chwera Tɔn 21:36 Referans Kwoze

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

Matiu 25:13

Yeesu aa bol ɡɛ tonɛ la, o berɛ ŋɔ, “Anomanta, hé ɡel he sie do le hɛɛ kpa, dɛkalkɛ haa tɔpere la ne ɡɛ saŋ maa dɛ ba bala la jemɛ.”

Matiu 24:42

Anomanta, hɛ́ɛ do dɛɛɡɔ, dɛkalkɛ haa tɔpere la ne saŋ la he Dɔɔ la aa ba jemɛ.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

1 Kɔrent 16:13

Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri.

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Amanesoma Mak Aa Chwera Tɔn 13:33

Hɛ́ɛ nyiŋi kɛrɛdɛ, hɛ́ɛ do dɛɛɡɔ, dɛkalkɛŋɔ haa tɔpere la jemɛ.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Matiu 26:41

Hɛ́ɛ nyiŋi kɛrɛdɛ dɛɛ soŋe Korowii, ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”

Malakae 3:2

Umee dɛ́ won che o sie o bala tɔpere la ta nɔ? Umee dɛ́ won le a nyoa ɔ? Wɛɛ ɛo kɛŋɔ nii baa kpɔa dɛɛ mwɛɛ bune dɛ laa doŋa dɛɛ kpɔ a ta, kɛɛ simina waa nyɛɡa ken.

1 Tesalonika 5:17

dɛɛ soŋe Korowii saŋ bɛlbwa.

Amanesoma Mak Aa Chwera Tɔn 13:37

Waa nɔ maa dɛ bol he be nɔ, nɛra bwa bee mɛɛ ŋɔ la. Hɛ́ɛ nyiŋu ŋwɛnɛ kɛrɛdɛ!”

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

Kolosi 4:2

Hé swɛɛ siwi dɛ́ɛ soŋe Korowii saŋ bɛlbwa, dɛ́ ɡel he sie ɡe do a ta. Hé ɡel he siwi su waa waa ɛa tɛ heyaa hɛ́ɛ jaamo.

We-ɛɛla 10:2

O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa.

Yela 1:5

Awola tɔpere Korowii aa bol nɛra waa la, nɛnchɔɡa aa won che o sie, baa nɛra ba wa aa toɡra nɛɛ ja.

Job Tɔn 27:10

Ba sie ɛɛ dɛɛ lɛ Korowii Waa Ɛ Kpeɡri Bwa Dɔɔ nɛɛ yaa? Baa dɛɛ soŋe Korowii saŋ bɛlbwaa yaa?

Amanesoma Luk Aa Chwera Tɔn 20:35

kɛ nɛra baa dɛ ba seo ta ira dɛ won dɔ bɔr ja Korowii Kora la ta la te aa haahna moe ba, baa jaranar ɡe yala ba.

Jeremia 35:19

Anomanta, men Koranar Bwa Kooro, Israel tena aa dɛ tom mɛ ŋɔ, ‘Rekab bibaa Jonadab luɡe taa nɛra ɛɛ ba lee dɛɛ tom mɛ.’ ”

Matiu 8:20

Anee Yeesu ŋɔ o be ŋɔ, “Manyajeɡre kwaraa dɔ bɔɔne dɛɛ chɔ a bini, asɛ jumbii aa dɛ ɡah nyundua ɡe dɔ a kɔne. Kɛ Men Nɛn Bie te ta bobɛlbwa dɔe ń chɔ dɛ́ onɛ.”

Matiu 24:43

Hɛ́ɛ no. Dɛ dem te fe jemɛ ɡɛ saŋ ŋwɛɛ aa ba ŋwɛo waa, o fe aa domii chɔ dɛ́ ɡel o ba jo dem dɛ́ ŋwɛo.

Matiu 24:44

Gɛɛ chɛ kɛŋɔ hé ɡe kpɔ he te, dɛ́ so kpa, dɛkalkɛ piɡraa Men Nɛn Bie la ɛɛ ba ba piɡri heya.

Amanesoma Luk Aa Chwera Tɔn 1:19

Anee nyundua torome la chaŋo ŋɔ, “Menee Gebreɛl maa dɛ che Korowii sie la. Onee tom mɛ ŋɔ ń ba bol Amanesoma nɔ he be.

Amanesoma Luk Aa Chwera Tɔn 21:35

dɛkalkɛ o bala tɔpere la ɛɛ piɡri nɛra baa lɔ harɛ nɔ ta bobɛlbwaa.

2 Kɔrent 4:14

Ya jemɔ kɛŋɔ Korowii waa ir ya Dɔɔ Yeesu seo ta la, onee dɛɛ ba ya banɔ la ya ne Yeesu aa pɛa la seo ta ira, dɛ́ kpɔ ya ne heyaa kaa o be.

Wepila 6:17

dɛkalkɛŋɔ ba tɔpejen la telo, nɛra ɛɛ ba ba danana nee nyɔe. Anomanta, umee dɛ́ won le a nyoa ɔ?”

Wepila 7:9

Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,

Wepila 8:2

Asɛ n na baa kpɔ bɛle anuanɛ tɛ nyundua toroma banuanɛ ba yon dɛɛ che Korowii sie la.

Wepila 11:4

Gɛ nɛra banɛ nɔɔ ɔleve daa anɛ ne kandea daa anɛ a cheɡɛ harɛ bwa Dɔɔ la sie la che tɛ la.