Amanesoma Luk Aa Chwera Tɔn 21:22 - mzwDBL

²² A ɡɛ saŋee Korowii ɛɛ ba o nɛra deŋne tɛra, ásɛ waa Korowii Tɔn la aa baɡla la bwa ɛ kpela.

Amanesoma Luk Aa Chwera Tɔn 21:22 Referans Kwoze

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

2 Pita 3:7

Gɛɛ Korowii ŋɔ nyundua kwaa bwa ne harɛ kwaa bwa aa lole taraken nɔ, á do le ɡɛ, ásɛ nii ɛrɛ ba fuah awola waa dɛ ba nɛra baa wola on tomɛ waa bola dɛ́ pa bole, dɛ́ chɔɡ ba la.

Aesaya 63:4

N liiro kɛŋɔ saŋ maa lɛ n nɛra la telo, kɛŋɔ n tɛr ba dɔma deŋne bɔ kem.

Aesaya 34:8

Korowii le tɔpere bɛl cheɡ, dɛ́ ba lɛ Jerusalam tena, dɛ́ chɔɡ ba dɔma bɔ kem.

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Matiu 1:22

A ɡɛ waa nɔ bwa chiɡo dɛ ɡel waa Korowii aa ɡela o keame bol la ɛ kpela kɛŋɔ waa ŋɔa ŋɔ,

Jeremia 51:6

Hé chwa le Babelɔn harɛ! Hé chwa lɛ he nyuune! He bɛ Babelɔn tena wechɔɡa waa koh serewe. Saŋ telo kɛ men Korowii bɔ ba kem, mɛɛ tɛr ba deŋnee ɡɛ aa chɛa.

Aesaya 61:2

O tom mɛ ń ɡel nɛra bwa jemɛ kɛ tɔpere Korowii aa dɛ ba o nɛra lɛɛ dɛ́ tɛr ba dɔma deŋne telo, dɛ́ larawe nɛra bwa baa dɛ wi bwara.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Mmarare 32:43

Harɛre nɛra, hé pu Korowii nɛra hɛɡre. Korowii dɛ tɛr nɛra baa dɛ kpoo o nɛra deŋne. O dɛ bɔ ba dɔma kem dɛɛ tɛɛ ba, dɛ kpɔ o nɛra wechɔɡa dɛɛ kɛ ba.”

Mmarare 32:34

Korowii dɛ lii anɔ la bwa dɔma la aa ɛa, dɛɛ kpa saŋ waa wera ta, dɛ́ kpɔ tɛr ba deŋne.