Amanesoma Luk Aa Chwera Tɔn 21:17 - mzwDBL

¹⁷ Nomɛlbwa ɛɛ koh n waa hah heya.

Amanesoma Luk Aa Chwera Tɔn 21:17 Referans Kwoze

Amanesoma Jɔn Aa Chwera Tɔn 15:19

Dɛ he fe ɛ ba bini bane aa, ba fe ɛɛ nyin heyaa. Kɛ maa le heyaa le ba bini he ɛ n nɛra la waa ba hah heyaa la.

Amanesoma Luk Aa Chwera Tɔn 6:22

Dɛ nɛra koh Men Nɛn Bie nɔ waa dɛ hah heya, dɛ vɛh heya, dɛ chɛɡre heya, dɛ yerɛ he sɔnchɔɡe aa, he na som.

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

Wepila 2:3

He lawɛ bambile dɛ koh n waa dɛ na wahala, kɛ dɛ ta lawɛ a bini.

Felepae 1:29

Korowii ɡelɔ he won yarada Yeesu Kristo, dɛ berɛ won koh o waa na hɔhɔrɔwa. Wejenaa o ɛ tɛ heyaa he won koh o waa na hɔhɔrɔwa la.

2 Kɔrent 4:11

Yaa soɡe le nɔ, Yeesu nomanta, saŋ bɛlbwaa ya so seo nyoa, ásɛ nɛra na o mkpa ya bwadabii waa won sewa nɔ aa dɔa.

Amanesoma Jɔn Aa Chwera Tɔn 17:14

Maa bol he Amanesoma la baɡ ba la, a ɡelɔ ba ta nɛra baa dɔ harɛ nɔ ta ɡbo liire nɛɛ jae kpa, ɡɛ maa wola ba nɛɛ jae la. Anomanta, ba hah ba.

Amanesoma Mak Aa Chwera Tɔn 13:13

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Matiu 24:9

Ásɛ mɔɔ ba ta lawɛ heyaa tɛ nɛra, ba ɛ heyaa hɔhɔrɔwa dɛ́ kpoo heya. Nomɛlbwa ɛɛ koh n waa hah heya.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

1 Pita 4:14

Dɛ ba koh he teŋa haa teŋɛ Yeesu Kristo nɛɛ la waa dɛɛ chɛɡre heya aa, he na som. A ba ɡɛ naa, a dɛ baɡle kɛŋɔ Korowii Domadɛɛɡe o wa aa dɔ jirima la soɡe he nɛ.

We-ɛɛla 9:16

Mɛɛ ɡeloo ó jemɛ wahala bwa waa dɛ ba n waa koeh dɛ́ na.”

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.

Matiu 5:11

Dɛ nɛra koh teŋa haa teŋɛ n nɛɛ nɔ waa dɛɛ chɛɡre heya, dɛɛ ɛ heyaa hɔhɔrɔwa, dɛɛ teŋe nyosone, dɛ bol musu waa bɛlbwa dɛɛ dawɛ he nɛ aa, he na som.

2 Kɔrent 4:5

Ya ɡbaɡba waa laa yaa baɡle nɛra nɔ. Yeesu Kristo waa yaa baɡle kɛŋɔ onee komɛlbwa Dɔɔ, dɛɛ baɡle kɛŋɔ o nomanta, he bonɔɔnaa yan.

Amanesoma Luk Aa Chwera Tɔn 21:16

He mɛɛnanar ne nyare, ne he dɔɔranar ne nimanar, ne he lolanar dɛ daamanar ɛɛ le heyaa tɛ ásɛ ba kpoo he bane.

Amanesoma Luk Aa Chwera Tɔn 21:18

Mɛɛ cha heyaa ásɛ he nyumpon beŋkpoŋ kwara aa harɛɛ le.