Amanesoma Luk Aa Chwera Tɔn 21:12 - mzwDBL

¹² Mɔɔ ɡɛ waa nɔ bwa chiɡ la, baa tɔ sie larawe heya, dɛ́ ɛ heyaa hɔhɔrɔwa, dɛ́ lawɛ heyaa la cheremi deene bini, dɛ́ ka bol he waa dɛ́ do heyaa dea. Baa koh n waa dɛ́ lawɛ heyaa ka che nomonome ne koranar siini.

Amanesoma Luk Aa Chwera Tɔn 21:12 Referans Kwoze

1 Pita 2:13

Hé koh ya Dɔɔ la waa dɛ́ pwɛr he te dɛɛ tɛ nomonome baa cheɡ ba harɛ bonɔ bwa, he harɛ bwa nyu waa chɔ wobɛlbwa nyoa,

We-ɛɛla 22:30

Nomoa la dɛ nyin o jemɛ waa la Pɔɔl aa ɛa asɛ Juu tena la baah di o nɛɛ la kɛrɛdɛ. Anomanta, tɔ aa pera la, o ɡelɔ ba le Pɔɔl dea, dɛ ɡel Sɔfonomonome ne Juu tena nomonome baa dɛ bol waa la bwa cheme. Baa chema la, o ɡelɔ Pɔɔl ba che ba sie.

We-ɛɛla 9:4

Belaa o chole harɛ dɛ no kɛŋɔ nomɛl aa dɛ yerɔ dɛɛ ŋɔ, “Oo, Sɔɔl! Ɛrɛɛ he che n nɛɛ ɡɛ nɔɔ?”

We-ɛɛla 8:3

Sɔɔl ɡe ɛ wobɛlbwa waa won dɛ́ chɔɡ asɔre tena la waa bwa, dɛ jo bela deremi bwa ta dɛ tɛɡre ba bini baala ne haahna bwa kaa do dea.

We-ɛɛla 5:40

Ba yerɛ Yeesu toroma la jo dea, dɛ lɔɔ ba chweremi ne, dɛ kwaa aah ba ŋɔ ba bɛ too kpɔ Yeesu sɔn bol waa kpa, dɛ kpɔ ba ta.

Amanesoma Jɔn Aa Chwera Tɔn 15:20

Hɛ́ɛ lii ɡɛ n fa aa bol he be ŋɔ, yom ta o dɔɔ ɡwaalɛ la. Dɛ ba ɛɛ mɛ hɔhɔrɔwa aa, ɡɛɛ baa ba he ɡe ɛɛ. Dɛ ba teŋɛ n webaɡla ta naa, baa teŋɛ he ɡe kwaa ta ɡɛɛ.

Matiu 22:6

asɛ ba kar la ɡe lawɛ o bonɔɔna waa tom ba la dɛ ɛɛ ba hɔhɔrɔwa dɛ kpoo ba.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Matiu 24:8

Kɛ anɔ bwa do kɛŋɔ haah loltea yon tɔ sie lɔɔ dɛ o lola ta tele mɔɔ la.

Amanesoma Luk Aa Chwera Tɔn 21:11

Harɛ ɛɛ jiɡri bobɛlbwaa taeh, ásɛ lɔr ne weela bwa soo siwi ba. Hɛɛ na ɔmewaa aa wola balɛ bwa nyunduaa.

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.