Amanesoma Luk Aa Chwera Tɔn 20:42 - mzwDBL

⁴² Aah Devid ɡbabir bol waa Korowii Yela Tɔn la bobɛl ŋɔ, ‘N Naa Korowii ŋɔ n Dɔɔ be ŋɔ so nomombɔr n diɡ ta

Amanesoma Luk Aa Chwera Tɔn 20:42 Referans Kwoze

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Hibru 1:13

Korowii ta nyundua toroma la bɛlbwa be ŋɔe ŋɔ, “So nomombɔr n diɡ ta ka tel kɛŋɔ maa ba he dɔma ne harɛ he tiɡri ba nɛ.”

1 Kɔrent 15:25

Yeesu Kristo chɛ kɛŋɔ ó di kpeɡri komɛlbwa waa lɔ harɛ nɔ ta nɛɛ ka tel kɛŋɔ waa pɔ o dɔma bwa nɛ.

Amanesoma Luk Aa Chwera Tɔn 24:44

Ate, dɛ ŋɔ ba be ŋɔ, “Anɔ waa ɡɛ saŋ n ne haa lole la, n yon dɛɛ bol he be ŋɔ a chɛ kɛ n bwara wobɛlbwa baa chwera Mosis Mmara la bini ne Korowii keamere tɔne la bini ne Korowii Kpɛɛra Tɔn bini la ɛ kpela la.”

Hibru 3:7

Anomanta, Korowii Domadɛɛɡe bolɔ ŋɔ, “Dɛ he no Korowii waa fini naa,

We-ɛɛla 1:20

Pita ŋɔ, “Ba chwerɛ Korowii Kpɛɛra Tɔn la bini ŋɔ, ‘Gel o sobɔr chɔ pɛɛ, nomɛlbwa bɛ o ta do.’ Dɛ berɛ chwerɛ ŋɔ, ‘Berɛ o toma tɛ nomɛl.’

Amanesoma Luk Aa Chwera Tɔn 20:43

ka tel kɛŋɔ maa ba he dɔma ne harɛ ásɛ he tiɡri ba nɛ.’