Amanesoma Luk Aa Chwera Tɔn 20:22 - mzwDBL

²² Webeŋkpoŋii yaa nyin kɛŋɔ ya jemɛ. Onee kɛŋɔ ya mmarare dɛ tɛ yaa ŋwɛnɛ kɛ ya bɔ toɔ dɛɛ tɛ Rom Koojen Siisa kɛɛ ya bɛ dɛɛ bɔɔ?”

Amanesoma Luk Aa Chwera Tɔn 20:22 Referans Kwoze

Nehemia 9:37

Ya wechɔɡa nomanta, harɛ la ta kondikwaa bwa dɛ kaa koranar yaa lɔ ba lɔɡa be. Gɛ baa dɛ nyin laanee baa ɛ ya ne ya kondɛɛra, anomanta, ya lɔ wahala kohona ta.

We-ɛɛla 5:37

A habɔɔ la, Galilia te baa dɛ yerɔ Judas la fa ta leɛ a ɡɛ saŋ baa dɛ kure nɛra la, dɛ ɡe ba yo Abane nomonome dɛ dɔ nɛnlaa kohona naa? Ba ta o ɡe kpoe asɛ o nɛra la ɡe bwa peɡre aa?

Matiu 17:25

Anee Pita ŋɔ, “Ɔɔh, o dɛ bɔ.” Pita aa jo dem bini la, Yeesu den tɔ sie pɛɛro, “Seemɔn, bamewaa bɔ toɔ dɛɛ tɛ harɛ nɔ ta koranar ɔ? Ba ɡbaɡba bii kɛɛ hɔɔhra ɔ? Ɛrɛɛ he na nɔ?”

Nehemia 5:4

Asɛ bane ɡe ŋɔ, “Yá kemɛ suuɡa, dɛ́ kpɔ bɔ toɔ kooro aa dɛ lɛ yaa ya kooni ne daa kooni ta.

Ɛsra 9:7

Le ya naawa bere saŋ ba le fini, ya wechɔɡa kan kohona. Anomanta, ya ne ya koranar ne sɔfore bwaa harɛre ane koranar lawɛ laa ta dɛ kpoo yaa, dɛ pa ya laala kaa. A ɡel sihiih kpo yaa, asɛ ya do ba lɔɡa ba le fini nɔ.

Ɛsra 4:13

N naa kooro, berɛ jemɛ kɛŋɔ dɛ ba wono kwaa do bwɛjen nɔ tonaa, baa toɔ bɛlbwaa bɔ tɛɛ kpa, ásɛ komɛlbwa aa he kara munii do kpa.

Mmarare 17:15

hé nyiŋi kɛrɛdɛ, dɛ́ na onɔ la Korowii aa leo. A chɛ kɛŋɔ ó ɛ he bini bɛl. He bɛ hɔɔh kpɔ, hé kpɔ Israel te.

Amanesoma Luk Aa Chwera Tɔn 20:21

A ɡɛ nɛra la ba Yeesu be dɛ ba ŋɔ o be ŋɔ, “Nomoa, ya jemɔ kɛŋɔ he dɛ bol kasinteŋ. Haa nɛra sie nyiŋe mɔɔ dɛɛ bol wa. Korowii ŋwɛnɛɛ hɛɛ baɡle nɛra kasinteŋ ne, ásɛ ya won jemɛ ɡɛ waa dɛ nyin kɛŋɔ ya ɛ.

Amanesoma Luk Aa Chwera Tɔn 20:23

Dɛ Yeesu jemɛ ba webɔɔre la mun, dɛ ŋɔ,

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Tɔn Pɔɔl Aa Chwerɛ Rom Tena 13:7

Anomanta, komɛlbwa aa chɛ kɛ he tɛ nɛn la, tɛo. Dɛ he nyu toɔ yaa, bɔ. Dɛ he kondɔɔh bɛlbwa ɡe toɔ yaa, bɔ. Dɛ duuree a chɛ kɛ he tɛ nɛn aa, tɛo, dɛ jirimaa a chɛ kɛ he tɛ nɛn aa, tɛo.