Amanesoma Luk Aa Chwera Tɔn 2:51 - mzwDBL

⁵¹ Belaa Yeesu ir ba chiɡ ŋwɛnɛ ta dɛ kaa Nasarɛt. Waa lɔ o nya ne o mɛɛ be la, dɛ o dɛ no ba deŋna wa. O nya kpɔ waa la bwa do o nyu bini dɛɛ kara.

Amanesoma Luk Aa Chwera Tɔn 2:51 Referans Kwoze

Amanesoma Luk Aa Chwera Tɔn 2:19

Asɛ Mɛɛre kpɔ waa la bwa do o nyu bini dɛɛ kari.

Daneɛl 7:28

Waa la jaɡaa la. Men Daneɛl aa naa la, n ɔmɔ kohona n siebɔr ɡwaŋɛ, kɛ n kpɔ wobɛlbwa do n nyu bini.”

Mumpar 37:11

Ate, o dɔɔranar la bwaawee ir o nɛɛ kɛrɛdɛ, kɛ o mɛɛ te kpɔ waa la do o nyu bini.

Amanesoma Mak Aa Chwera Tɔn 6:3

Kapenta te la laa aa? Mɛɛre bie la laa aa? Jems ne Josef ne Judas dɛ Seemɔn wa dɔɔ la laa aa? O nimambii laa lɔ ya be bonɔ naa?” Anomanta, ba siwi ta on sui.

1 Pita 2:21

A ɡɛ waa nɔɔ Korowii le heyaa ŋɔ hɛɛ na, dɛkalkɛŋɔ Yeesu Kristo koh he waa dɛ na wahala, asɛ a chɔ tɛ heyaa kɛŋɔ hɛɛ lawɛ bambile he wahala ta. Ba chwerɔ ŋɔ,

Matiu 3:15

Anee Yeesu ŋɔ, “Taraken nɔ te, sɔ mɛ. He sɔ mɛ naa, ɡɛɛ yaa ba wona ɛ wedɛɛɡa aa dɛ su Korowii siwi la bwa.” Asɛ mɔɔ Jɔn sɛh dɛ sɔɔ nee la.

Ɛfesos 5:21

Hé bwa ɛɛ no dɔŋa be ɔma haa dɛ ɔmɛ Yeesu Kristo la nomanta.

Amanesoma Luk Aa Chwera Tɔn 2:39

Josef ne Mɛɛre aa tona ɡɛ Korowii Mmara la aa baɡla la, ba berɔ kaa ba bwɛɛ Nasarɛt waa lɔ Galilia harɛ ta la.

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Matiu 12:46

Yeesu nyoa ta aa lɔ waa ta o bol dɛɛ baɡle nɛra la la, o nya ne o nimanar ba bela dɛ ba che buse dɛɛ nyinu dɛ́ bol waa o be.

Amanesoma Mak Aa Chwera Tɔn 1:9

Belaa Yeesu le Nasarɛt waa lɔ Galilia harɛ ta dɛ ba Jɔn be, asɛ o sɔɔ Korowii nee Jɔɔdan Moo ta.

Amanesoma Luk Aa Chwera Tɔn 4:16

O ba Nasarɛt bela baa dɛɛro la, asɛ ɡɛ o yon dɛɛ ɛ Ona Tɔpere bɛlbwa la, o la cheremi dea, dɛ ir che ŋɔ ó kure Korowii Tɔn la.

Amanesoma Luk Aa Chwera Tɔn 4:23

Anee Yeesu ŋɔ ba be ŋɔ, “N jemɔ kɛŋɔ hɛɛ sɛɡ mɛɛ ŋɔ, ‘Tɛɛɡa te, chah he te. Gɛ yaa noa kɛ he ɛ Kapeeneɔm la, ɛ ane he ɡbaɡba bwɛɛ bonɔ ɡe.’ ”

Amanesoma Luk Aa Chwera Tɔn 18:37

Anee ba ŋɔ o be ŋɔ, “Yeesu waa le Nasarɛt laanee ba dɛ kaa.”