Amanesoma Luk Aa Chwera Tɔn 2:38 - mzwDBL

³⁸ Buɡ la ta, Yeesu nya ne o mɛɛ aa lɔ Korowii Dea la, Hana ɡe jo bela dɛ ka che ba jwɛh, dɛ kpɔ jam ne kpɛɛra tɛ Korowii, dɛ bol Yeesu waa baɡle nɛra baa soɡa dɛɛ kpa Korowii kɛ ó ba lɛ Jerusalam tena ta la.

Amanesoma Luk Aa Chwera Tɔn 2:38 Referans Kwoze

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

2 Kɔrent 9:15

Ya dɛ jam Korowii kohona. Yaa won jemɛ baɡle o koŋkɛɛle damanta waa kɛ yaa la wa.

Amanesoma Luk Aa Chwera Tɔn 24:21

Kɛ ya te, ya fa dɔ hwɛɡa kɛ onee naate o fe aa dɛ ba dɛ ba lɛ Israel tena la. Waa nɔ aa chiɡa tɔpera atoroo la.

Amanesoma Luk Aa Chwera Tɔn 1:68

“Hé ɡel ya kpɛɛ Korowii Israel tena aa dɛ tomɔ, dɛkalkɛŋɔ o cha o nɛra dɛ lɛ yaa le wahala ta.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Amanesoma Luk Aa Chwera Tɔn 23:51

dɛɛ kpa saŋ la Korowii aa di Kora dɛ́ lɛɛ ba la. O te fe ta sɛɛh teŋɛ ba nɛɛ kɛ bá kpo Yeesu.

Amanesoma Mak Aa Chwera Tɔn 15:43

Dɛ Josef waa le Arimatea la ɛ ba bela nomonome la bini nɛn nɛra bwa aa dɛ tɛo duure. O ɡe dɛ kpa saŋ la Korowii aa di kora dɛ lɛɛ ba la. Awola jɔmɔra la, o lɔ bambile dɛ la Paelet be dɛ ka soŋo ŋɔ ó tɛo ŋwɛnɛ ó ka kpɔ Yeesu lale la.

Amanesoma Luk Aa Chwera Tɔn 2:36

A ɡɛ saŋ la, dɛ luhaah bɛl lole dɛ ɛ Korowii keame, baa yerɔ Hana. Dɛ Fanoɛl bihaahnee on, asɛ o le Aasa dea. Dɛ o hwɛɛhrɔ. O yalɔ o toli saŋ, o ne o jaa so bene anuanɛ asɛ o jaa la ba sewɛ.