Amanesoma Luk Aa Chwera Tɔn 2:27 - mzwDBL

²⁷ Awola tɔpere la, Korowii Domadɛɛɡe la kpɔ Simeon kaa Korowii Dea, asɛ Josef ne Mɛɛre ɡe kpɔ Yeesu la bela, ásɛ ba ɛo ba we-ɛɛla ɡɛ Mmara la aa baɡla la.

Amanesoma Luk Aa Chwera Tɔn 2:27 Referans Kwoze

We-ɛɛla 10:19

Pita liire aa lɔ waa la ta o ta ɛɛ lii la, Korowii Domadɛɛɡe ŋɔ o be ŋɔ, “Nɛra batoro bane dɛ nyin he bɔr,

Amanesoma Luk Aa Chwera Tɔn 2:51

Belaa Yeesu ir ba chiɡ ŋwɛnɛ ta dɛ kaa Nasarɛt. Waa lɔ o nya ne o mɛɛ be la, dɛ o dɛ no ba deŋna wa. O nya kpɔ waa la bwa do o nyu bini dɛɛ kara.

Amanesoma Luk Aa Chwera Tɔn 2:48

O nya ne o mɛɛ aa nao la, ba nyoa kpoo, anee o nya bɔɔro ŋɔ, “N bidɛɛɡe, bɔkwa waa he ɛ yaa ken? N ne he mɛɛ bwa siwi swɛɛrɔ, ya kpɔ sibeɡra dɛɛ ɡaaɡe he bɔr.”

Amanesoma Luk Aa Chwera Tɔn 2:41

Bena nyoa bɛlbwaa Yeesu nya ne o mɛɛ la Jerusalam dɛ kaa di ba tɔpejen baa dɛ yerɔ Galekaa la.

Wepila 17:3

Belaa Korowii Domadɛɛɡe ir n nɛ, asɛ nyundua torome la kpɔ mɛ kaa pua hɛŋle ɡbo harɛ ta, asɛ n na haah bɛl o so olchɔɡe bɛl nɛ. Olchɔɡe la swɛɛrɔ dɛ dɔ sɔnchɔɡa o bwa, a bwa ɛ chɛɡa dɛɛ yaɡɛ Korowii. O dɔ nyuune anuanɛ, o nyeɡlare ɡe ɛ fi.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

We-ɛɛla 16:7

Baa dɛ kaa dɛ ka tel Maesea harɛ jaɡa la, ba fe ŋɔ bá jo Bitiinia harɛ ta, kɛ Yeesu Domadɛɛɡe ta ban ŋwɛnɛ tɛɛ,

We-ɛɛla 11:12

Belaa Korowii Domadɛɛɡe la ŋɔ n be ŋɔ n bɛ ɔmɛ, kɛ ń teŋɛ ba nɛɛ kaa. Yabala banumɛl nɔ baa le Jopa nɔ ɡe teŋɛ n nɛɛ la Sisaaria, asɛ ya bwa ka jo Kɔnɛɛleɔs dem.

We-ɛɛla 8:29

Belaa Korowii Domadɛɛɡe ŋɔ Felep be ŋɔ, “La ka so kon waa do kɛ torɔɡo la jwɛh.”

Amanesoma Luk Aa Chwera Tɔn 4:1

Yeesu aa le o Korowii nee sɔe la bɔr Jɔɔdan Moo ta dɛɛ kaa dem la, Korowii Domadɛɛɡe la ir o nɛ, dɛ kpɔɔ kaa pua hɛŋle ɡbo harɛ ta, asɛ o ka do bela tɔpera fifraanaarɛ.

Amanesoma Luk Aa Chwera Tɔn 2:22

Tɔpere aa tela kɛŋɔ Mɛɛre sɔ o lola doŋa ta ɡɛ Mosis Mmara la aa baɡla la, o ne Josef kpɔ ba bie Yeesu ja ba nɛɛ dɛ la Korowii Dea Jerusalam dɛ kpɔɔ ka baɡle Korowii,

Matiu 4:1

Belaa Korowii Domadɛɛɡe la kpɔ Yeesu kaa pua hɛŋle ɡbo harɛ ta, ásɛ Bɔnsam daahno na.

Jeremia 32:11

Belaa n kpɔ tɔne anɛ aa dɛ baɡle kɛ n yawɛ harɛ la, ne a wobɛlbwa aa jaa dɛ do tɔn la bini, onɔ la baa marɛ a nyoa ne onɔ la baa wola o nyoa marɛ,

Amanesoma Luk Aa Chwera Tɔn 2:28

Baa joa la, Simeon kaa kpɔ Yeesu pɛl o bambile dɛ jam Korowii dɛ kpɛɛro, dɛ ŋɔ,

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.