Amanesoma Luk Aa Chwera Tɔn 2:14 - mzwDBL

¹⁴ “Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Amanesoma Luk Aa Chwera Tɔn 2:14 Referans Kwoze

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Amanesoma Luk Aa Chwera Tɔn 19:38

Dɛ ba dɛ ŋɔ, “Korowii swee andɛɛɡa tɛ Kooro waa cheɡɛ o sɔn ta dɛɛ ba nɔ, dɛ́ ɡel nyundua tena bwa bwara sɔɔh ba!”

Kolosi 1:20

O ɛ ɡɛ dɛ che o Bie la nɛɛ dɛ kwaa o ne kwaa aa lɔ nyundua ne harɛ bwa baah. O ɡelɔ o Bie sewɛ daɡaɡre la ta o chal kwaa wobɛlbwa.

Amanesoma Luk Aa Chwera Tɔn 1:79

ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

Wepila 5:13

Asɛ n berɛ no komɛlbwa Korowii aa taa a do nyundua, ne komɛlbwa waa lɔ harɛ nɔ ta ne mpo bini bwa, ne nɛra baa serewa kwaara bwa aa dɛ ŋɔ, “Naate waa soɡe kookara la ta la ne Pebie la chɛ kpɛɛra ne duure ne jirima, dɛ dɔ kpeɡri bwa saŋ bɛlbwa dɛɛ la.”

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

Amanesoma Jɔn Aa Chwera Tɔn 17:4

N tɛɛ jirima harɛ nɔ ta kɛŋɔ maa tonɛ toma haa kpɔa do n nɔn ta ŋɔ ń ɛ la bwa.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

Felepae 2:11

ásɛ nomɛlbwa sɛh kɛŋɔ Yeesu Kristoo nɛra bwa Dɔɔ, ásɛ o Mɛɛ Korowii dɔ jirima.

Amanesoma Luk Aa Chwera Tɔn 3:22

asɛ Korowii Domadɛɛɡe do kɛŋɔ borɔnoma ken dɛ ba so o nɛ, asɛ ba no taa bɛl nyundua kɛŋɔ, “Henee n bie maa dɛ nyin he wa, he waa ɛɛ su n siwi.”

Matiu 21:9

Nɛra baa tɔ o sie la ne banɔ la baa teŋɛ o nɛɛ la bwa pɛ nyoa dɛɛ tɛo jirima ŋɔ, “Woowo! Devid Naa nɔ! Korowii swee naate waa valɛ o sɔn ta dɛɛ ba nɔ andɛɛɡa. Ya dɛ jam Korowii waa lɔ nyundujaɡla la!”

Aesaya 49:13

Kwaa aa lɔ nyundua, hé do lɔŋɔre silɛɛ ne, kwaa aa lɔ harɛ ta ɡe, hé hɛɡre! Bwejena ɡe ɡo silɛɛ yela. Korowii ɛɛ larawe o nɛra bwaraa, wɛɛ dɔ tedomaa tɛ wahala tena ɡe.

Ɛfesos 1:9

Gɛ bwa Korowii aa ɛ Yeesu Kristo waa cheɡ o tetoora ta a fa sɔh yaa la, o berɔ pili a bwa bini tɛ yaa ya won jemɛ ɡɛ aa su o siwi o cheɡa ɡɛ saŋ la,

Ɛfesos 1:6

O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Felepae 2:13

dɛkalkɛŋɔ Korowii soɡe he bɛlbwa nɛɛ dɛɛ ɛ toma, dɛ ɡel he won sɛh dɛ won dɛɛ tomɔ kɛrɛdɛ ɡɛ aa su o siwi.

Ɛfesos 2:7

O ɛ ɡɛ dɛ kpɔ baɡle nɛra baa wola toole dɛ taa ba bala ásɛ ba na ɡɛ waa ɡara sune ya nɛɛ kohona dɛ cha yaa kɛrɛdɛ, ɡɛ waa cheɡɛ Yeesu Kristo nɛɛ dɛ ta tea ɛ yaa waa nɔ bwa la. O nɛn nɛɛ suna kan kɛrɛdɛ. A ta dɔŋ dɔe.

Ɛfesos 2:4

Kɛ Korowii nyina waa dɛ nyin yaa kohona, ne suna o yon dɛɛ sune ya nɛɛ kɛrɛdɛ la nomanta,

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

Maeka 5:5

Onee dɛ́ ba tɛɛ ba deŋnesɔɔhna. Dɛ Asiiria tena baa yo ya harɛ, dɛ won jo ya dekpeɡa yaa sɔh a bini ta naa, yaa le nomonome baa wara kohonaa bá ka yoo ba.

Amanesoma Luk Aa Chwera Tɔn 2:13

Buɡ la ta, dɛ Korowii dɔm bane baa wara denɔ ba ja onɔ la nɛ, dɛ ɡo yela dɛɛ kpɛɛ Korowii, dɛɛ ŋɔ,

Amanesoma Luk Aa Chwera Tɔn 2:15

Nyundua toroma la aa le peteɡra la be dɛ kaa nyundua la, ba ŋɔ dɔŋa be ŋɔ, “Hé ɡel ya la Bɛtlɛham dɛ́ ka na waa aa chiɡ bela, asɛ N Naa Korowii che nyundua toroma nɔ nɛɛ dɛ ba bol ya be nɔ.”