Amanesoma Luk Aa Chwera Tɔn 2:12 - mzwDBL

¹² Waa haa che a ta jemɔ laanee nɔ. Hɛɛ na bie laanee kɛŋɔ baa kpɔ yal fɔrɔwo o chɔ kon jaɡre aa dɛ di kwaa o bini la bini.”

Amanesoma Luk Aa Chwera Tɔn 2:12 Referans Kwoze

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Aesaya 7:11

“Soŋe Korowii háa dɛ tomɔ dɛ́ na waane, hale dɛ le lalabwɛɛ kɛɛ nyundujaɡla, á baɡle waa nɔ kasinteŋ.”

Yela 22:6

N ta nɛn ɛɛ kpa, n do kɛ sɔɡlɔ, nɛra baa hah mɛ, dɛɛ nyiŋi n nyubaah.

2 Koranar 20:8

Dɛ Kooro Hɛsɛkea fa bɔɔ Aesaya kɛŋɔ, “Bɔkwaa Korowii ɛɛ ba ɡela ń na, dɛ́ jemɛ kɛŋɔ wɛɛ chaah mɛɛ, ásɛ a tɔpetooro wee ń la Korowii Dea ɔ?”

2 Koranar 19:29

Ate, Aesaya ŋɔ Kooro Hɛsɛkea be ŋɔ, “Waa aa che a ta, n naa Kooro Hɛsɛkea, he jemɛ laanee nɔ. ‘Koo kwaa baa koma bena nɔ la, ane ɛɛ le a buɡ taa, ásɛ he dia, ásɛ benanyoa chemaa, hé di a tenten. A bentooro te la, hé du mea dɛ́ koma, dɛ́ parɛ daa kooni, dɛ́ di a nɔna.

1 Samoɛl 2:34

Waa aa pu he bibaala banɛ Hofni ne Fenehas laanee kɛ, ba bwa ɛɛ pɛo sewɛ tɔpebeŋkpoŋ, ásɛ he jemɛ kɛŋɔ waa maa bola la ɛ kasinteŋ.

Kaala 3:12

Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Amanesoma Luk Aa Chwera Tɔn 2:7

asɛ o lolɛ o binyoa, o ɛ bibaa. O kpɔ yal fɔrɔwo dɛ kpɔɔ bil kon jaɡre aa dɛ di kwaa o bini la bini, dɛkalkɛŋɔ dɛ bɔr toole bela hɔɔhra aa dɛ chɔ bwɛɛ la ta la kwara bá chɔ.

Amanesoma Luk Aa Chwera Tɔn 2:13

Buɡ la ta, dɛ Korowii dɔm bane baa wara denɔ ba ja onɔ la nɛ, dɛ ɡo yela dɛɛ kpɛɛ Korowii, dɛɛ ŋɔ,