Amanesoma Luk Aa Chwera Tɔn 19:22 - mzwDBL

²² Anee nomoa la ŋɔ o be ŋɔ, ‘Bonɔnchɔɡe kohona! He ɡbaɡba nyoa wobol taa mɛɛ ba cheɡa dɛ́ pae bolchɔɡe. He jemɔ kɛ n ɛ bambikpeɡ te, dɛɛ kpɔ kwaa aa wola n kwaa ɛɛ, dɛɛ komɛ kwaa maa wola due kenɛ?

Amanesoma Luk Aa Chwera Tɔn 19:22 Referans Kwoze

2 Samoɛl 1:16

Dɛ Devid fa bol baa la be ŋɔ, “He waa haa ɛa laanee ɡure he nyu ta la. Waa aa le he nyoa he ŋɔ henee kpo nɛn Korowii aa cheɡo kora ta laanee ɛ danseɛ.”

Matiu 22:12

Anee o bɔɔ baa la ŋɔ, ‘N dam, ŋwɛnɛ besoo taa a che he ba bonɔ, haa wola laala aa chɛ kɛ hé do dɛ́ ba hanfale dem bonɔ nɔ ane doe nɔɔ?’ Waa bɔɔro ɡɛ la, o ta waane dɔe dɛ bol.

Matiu 12:37

He ɡbaɡba wobol taa Korowii ɛɛ ba cheɡa pa heyaa bole. He wobol ɛ wobodɛɛɡa aa, wɛɛ pae boldɛɛɡee, dɛ he wobol ɛ wobochɔɡa aa, wɛɛ pae bolchɔɡee.”

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Amanesoma Luk Aa Chwera Tɔn 19:21

N ɔmɔ, dɛkalkɛŋɔ he bambile kpeɡri, he ɛ nɛn haa dɛ kpɔ kwaa aa wola he kwaa ɛɛ, dɛɛ komɛ kwaa haa wola due.’

Amanesoma Luk Aa Chwera Tɔn 19:23

Aah ɛrɛɛ haa wola n suuɡa kpɔe ka cheɡ mɛ baŋɡe ásɛ n fee ba lɛ a ne a nee bwa nɔ?’