Amanesoma Luk Aa Chwera Tɔn 18:30 - mzwDBL

³⁰ wɛɛ dɔ banee dɛ́ ɡwaa ɡɛ harɛ ta bonɔ. A bwa habɔɔ la, wɛɛ dɔ Korowii mkpa aa wola jaɡa dɔe nyundua laanee ja.”

Amanesoma Luk Aa Chwera Tɔn 18:30 Referans Kwoze

Job Tɔn 42:10

Ate, Job aa soŋa tɛ o daamanar batoro la tonɛ la, Korowii ɡelɔ o ɛ kondɔɔh ja. O dɔ anɔ la o fa aa dɔa la bele anɛ ja.

Wepila 2:17

Nomɛlbwa waa dɔ deŋna la, ó no waa Korowii Domadɛɛɡe aa dɛ bol asɔre tena be la. Naate waa won yo le la, mɛɛ tɛo kondikwaa ane soo siwi baa dɛ yera maana nomɛlbwa aa wola an nae bwaa ó di, dɛ́ tɛo bwedɛɛɡe ompoŋ bɛl maa chwerɛ sɔnfale bɛl dawɛ o ta, nomɛlbwa aa wola sɔn la jemɛ, nemenɛ naate maa kpɔ tɛo la ɡbo.”

Matiu 12:32

Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”

1 Timoti 6:6

Nɛn haa dɛ tomɛ Korowii, he siwi ɛɛ su komɛlbwa Korowii aa tɛɛ la, he ɛ kondɔɔh tenten.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

Yela 119:162

N sie lɛo mɛɛ hɛɡre he nyobaɡa la ta, kɛŋɔ nomɛl waa kpaah komɛl o yoɡ aa kpeɡa ken.

Yela 119:127

N dɛ nyin he Mmarare haa dɛ do mɛ a ta la ɡwaa suuɡaswɛm, hale suuɡaswɛm tenten bɛlbwa,

Yela 119:111

He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.

Yela 119:103

He waa la som n be kohona, a som dɛ ɡwaa tooh kwara.

Yela 119:72

Mmarare haa kpɔa tɛ mɛ la ɡwaa mɛ harɛ nɔ ta suuɡa bwa, hale suuɡaswɛm ne suuɡapoŋa ta an tele.

Yela 37:16

Ŋwɛnɛdɛɛɡe ta cheɡa dɛ́ dɔ konjeɡa wer dɛ ɡwaa, kɛ haa cheɡɛ ŋwɛnɛchɔɡe ta dɔa kohona,

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.