Amanesoma Luk Aa Chwera Tɔn 17:34 - mzwDBL

³⁴ Kasinteŋ, awola jwaana la, nɛra banɛ ɛɛ pɛo dɛ́ chɔ kalaŋ beŋkpoŋ ta, ásɛ Korowii ba kpɔ beŋkpoŋ kaa dɛ́ ɡel bɛl.

Amanesoma Luk Aa Chwera Tɔn 17:34 Referans Kwoze

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

Matiu 24:25

N felo dɛɛ bol waa nɔ he be noo, ásɛ he pu sie jemɛ a wa.

Amanesoma Luk Aa Chwera Tɔn 13:24

“Hé takapɔ dɛ́ kpɔ doonyoa waa do feelɔɔ o ta joe do kpeɡri la ta, dɛ́ jo ka ja Korowii Kora la ta, dɛkalkɛŋɔ nɛra ɛɛ warɔɔ dɛ́ɛ nyin dɛ́ jo bela, kɛ baa won dɔ bɔr jo.

Amanesoma Mak Aa Chwera Tɔn 13:23

Hɛ́ɛ nyiŋi he te kɛrɛdɛ! N dɔɔ baɡle waa aa dɛ ba ɛɛ mɔɔ tɔpere la ba.

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Aesaya 42:9

Na, webena maa bol a waa la chiɡo, asɛ mɛɛ bol anfala wa. N ɡelɔ hɛɛ no a waa mɔɔ a chiɡ.”

Yela 28:3

Bɛ pɛ pa n ne nyubinikpeɡ tena bolchɔɡe, nɛra baa dɛ ɛ wechɔɡa la, ba nyoa wobol som ba bala be, kɛ dɛ dɔ liichɔɡa ba nyu bini la.

Yela 26:9

Bɛ pɛ chɔɡ n ne wechɔɡ-ɛɛra, bɛ men kpo ja nɛra baa dɛ kpoo nɛra nɛ,

Amanesoma Luk Aa Chwera Tɔn 13:5

N dɛ ŋɔ he be ŋɔ, ɡɛ laa a do. Dɛ he ta he liire charɛ dɛ le wechɔɡa ta naa, he bwa ɡee serewoo.”

Amanesoma Luk Aa Chwera Tɔn 13:3

N dɛ ŋɔ he be ŋɔ, ɡɛ laa a do. Dɛ he ta he liire charɛ le he wechɔɡa ta naa, he bwa ɡee serewoo.”

Amanesoma Mak Aa Chwera Tɔn 14:29

Anee Pita ŋɔ o be ŋɔ, “Dɛ n bala nɔ bwa chwao ɡele kwara naa, n te aa chwa ɡele!”

Amanesoma Luk Aa Chwera Tɔn 17:33

Nomɛlbwa o siwi aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Asɛ nomɛlbwa ɡe o siwi aa wola harɛ nɔ ta silɛɛ kwaa ta lɛ la, wɛɛ dɔ o nyuu.

Amanesoma Luk Aa Chwera Tɔn 17:35

Haahna banɛ ɛɛ pɛo dɛɛ tuɡe kwa, ásɛ Korowii ba kpɔ bɛl kaa, dɛ́ ɡel bɛl.