Amanesoma Luk Aa Chwera Tɔn 17:2 - mzwDBL

² Dɛ ba vɔwɛ nambwe do naate baŋa dɛ kpɔɔ ka ta mpo vil ta kwara naa, a fe bɔ kɛŋɔ waa ɡela bechajeɡre nɔ dɔŋ bɛlbwa ɛ wechɔɡa.

Amanesoma Luk Aa Chwera Tɔn 17:2 Referans Kwoze

Amanesoma Mak Aa Chwera Tɔn 9:42

Nomɛlbwa waa neɡre bechajeɡre nɔ dɔŋ bɛlbwa waa dɛ yarada mɛ nɔ ásɛ o ɛ wechɔɡa la, dɛ ba fe vɔwɛ nambwe do o baŋa dɛ kpɔɔ ka ta mpo vil ta kwaraa fe bɔ.

Matiu 18:14

Gɛɛ a do he Mɛɛ waa lɔ nyundua la aa wola nyin kɛŋɔ bechale nɔ bini bɛlbwa nyoɡre.”

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

1 Kɔrent 9:22

Dɛ n kaa koo nɛra bini, dɛ ba yarada aa kanɛ Yeesu Kristo waa ta naa, n ɡe dɛ ɛ n te kɛŋɔ ba bini bɛl, ásɛ dɛ won dɔɔ ba. Gɛ nomɛlbwa aa doa la, ɡɛɛ mɛɛ ɛ n te, ásɛ dɛ che ŋwɛnɛ bɛl ta, dɛ́ won dɔ bane, ásɛ Korowii lɛɛ ba.

Matiu 26:24

Men Nɛn Bie nɔ ɛɛ sewɔɔ ɡɛ Korowii Tɔn aa dɛ baɡle la, kɛ naate waa lee mɛ tɛ bá kpo la, bwɛɛlɛ. Dɛ ba fe ta naate lolɛ ɡba fe bɔ!”

1 Kɔrent 9:15

N dɔ ŋwɛnɛ kɛ n ɛ a bwa, kɛ n ta nomɛlbwa be ŋɔe ŋɔ ó tɛ mɛ komɛlbwa bwa. Maa chwerɛ dɛɛ nyin kɛ he tɛ mɛ a ɡɛ kwaa nɔ. N sewɔ bɔ n be kɛŋɔ waa maa koh a waa maŋkura n te la le n nɔn ta.

Amanesoma Jɔn Aa Chwera Tɔn 21:15

Belaa baa di kwaa tonɛ la, o bɔɔ Seemɔn Pita ŋɔ, “Jɔn bie Seemɔn, he dɛ nyin mɛ dɛ ɡwaa banɔ nɔ naa?” Anee Pita ŋɔ, “Ɔɔh, n Dɔɔ, he jemɔ kɛŋɔ n dɛ nyin he wa.” Anee Yeesu berɛ ŋɔ, “Dɛɛ nyiŋi n pebiiri nɛ.”

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Matiu 17:27

Kɛ maa wola nyin kɛ yá jo ba nɛɛ nomanta, la moo ta, dɛ́ ka ta ɡoŋa. Pɛŋe bɛlbwa waa tɔ sie ba tɛr ɡoŋa la, lɔɔ le baŋ dɛ́ nyiŋi o nyoa bini. Hɛɛ na suuɡa bwe waa tel n ne he bwa toɔ laanee, ásɛ he kpɔ ka bɔ tɛ ya bwa.”