Amanesoma Luk Aa Chwera Tɔn 16:24 - mzwDBL

²⁴ Anee o ha nyoa yerɛ Abraham dɛ ŋɔ, ‘N Naa Abraham! Na n sum, ásɛ dɛ tomɛ Lasorɔs ásɛ o kpɔ o nonii ka leɡe nesɔn dɛ́ kpɔ ba leɡe n nyondoŋe. N lɔ nii ta n bwara ɛɛ nyɛɡ mɛ.’

Amanesoma Luk Aa Chwera Tɔn 16:24 Referans Kwoze

Wepila 22:1

Belaa nyundua torome la baɡ mɛ moo bɛl waa pala dɛɛ le Korowii ne Pebie la kookara la ta. Nee la dɔ mkpa dɛ do ɡereŋ ken,

Amanesoma Jɔn Aa Chwera Tɔn 4:10

Anee Yeesu ŋɔ o be ŋɔ, “Dɛ he fe jemɛ kon Korowii aa dɛ nyin he tɛɛ nɔ, dɛ jemɛ naate waa dɛ soŋe nee nɔ naa, he fe ɛɛ soŋoo ásɛ o fee tɛɛ nee aa won tɛɛ mkpa.”

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.

Jems 3:6

Nyondoŋe do kɛŋɔ nihɔl ken, dɛ won wechɔɡa ɛɛ taeh ya bini, dɛ won yaa chɔɡa ya soɡa bini bwa. Bɔnsam niinii dɛɛ choŋu.

Amanesoma Luk Aa Chwera Tɔn 16:30

Anee suuɡate la ŋɔ, ‘Akai, baa no, n Naa. Kɛ dɛ nomɛl iro le seo ta dɛ ka ŋɔ ba be te naa, anee ba no dɛ́ charɛ ba liire dɛ́ le ba wechɔɡa ta.’

Amanesoma Luk Aa Chwera Tɔn 3:8

Hɛ́ɛ ɛ waa aa dɛ chaɡle kɛŋɔ he charɛ he liire le he wechɔɡa ta kpela. He bɛ he hwɛɡa kpɔ do Abraham nɛɛ kɛ o ɛ he nabaa nomanta, hɛɛ wonoo chwa Korowii bandia. Hé ɡel n ŋɔ he be ŋɔ, Korowii ɛɛ wonoo ɡel bwea nɔ beɡre Abraham naanar.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Sekaria 14:12

Weechɔɡa Korowii aa dɛ ba kpɔe ba ta harɛre a nɛra aa ba yo Jerusalam tena laanee nɔ. Ba bwadabii ne ba sibie ne ba nyondoŋa ɛɛ pɔɔh, dɛ ba ta serewɛ.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Tɔn Pɔɔl Aa Chwerɛ Rom Tena 4:12

Nɛra baa teŋe ba pena la, Abraham biirii ba ɡe. Ba pena waa laa ba ɛ o bii. Dɛ ba dɔ yarada Abraham aa dɔa mɔɔ ba teŋe o pen la aa, anee bá ɛ o bii.

Amanesoma Jɔn Aa Chwera Tɔn 7:37

Ba Kukure tɔpera la dii ta tɔpere waa baa ka mun dɛ ɛ tɔpejen tenten la, Yeesu iro che dɛ kpɔ takpeɡ ŋɔ, “Nomɛlbwa nyɔɡre aa dɛ kpoo la, ó ba n be ń tɛo nee ó nyɔ.

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Matiu 3:9

He bɛ dɛɛ lii kɛŋɔ haa ɛ Abraham naanar la ɡbo ɛɛ wonoo ɡel he chwa Korowii bandia la. Kasinteŋ, Korowii ɛɛ wonoo ɡel bwea nɔ beɡre Abraham naanar.

1 Samoɛl 28:16

Anee Samoɛl ŋɔ, “Dɛ Korowii berɛ habɔɔ kpoe dɛ ɛ he dɔm aa, ɛrɛɛ hɛɛ yer mɛ ŋɔ n ɛɔ?

Amanesoma Luk Aa Chwera Tɔn 19:9

Anee Yeesu ŋɔ o be ŋɔ, “Fini tɔpere nɔ, Korowii lɛ dem nɔ tena, dɛkalkɛŋɔ Abraham naa Sakeos ɡba.

Job Tɔn 20:21

Ba lɛ nɛra kondɔɔh ba be a tonaa, anɔ la baa lea cheɡ ba be la ɡe ɛɛ le ba nɔn taa.