Amanesoma Luk Aa Chwera Tɔn 16:19 - mzwDBL

¹⁹ Yeesu berɔ ŋɔ, “Baa bɛlee fa lole dɛ dɔ suuɡa, dɛɛ do laaladɛɛɡa dɛ dɔ kwaa nɔ bwa, asɛ dɛɛ di kondɛɛɡa tɔpere bɛlbwa, dɛɛ lɛ o sie tenten.

Amanesoma Luk Aa Chwera Tɔn 16:19 Referans Kwoze

Ɛsekeɛl 16:49

Wechɔɡa he nime Sodom aa dɛ ɛ laanee nɔ. O ne o bihaahna dɔ mbarafo, ba dɔɔ kohona dɛɛ di ba waane laa nomɛlbwa wa. Ba ta nyaara ne nɛra aa hiah ba chae.

Ɛsekeɛl 27:7

Ijipt harɛ taa ba kpɔ ŋwɛndɛɛɡe sɔh yapondɛɛɡe waa baŋre he doa dɛɛ kaa he ne la, dɛ berɛ kpɔ ane ɛ he fraŋkaa. Saepros ekwi harɛ taa ba le yaburum ne oŋkɔl waa wera ne, a tɔ he nɛɛ dɛɛ tɛɛ chunchule.

Wepila 18:16

dɛɛ wi ŋɔ, “Akwe! Akwe! Waa pu bwɛjen la o nɛra fa aa dɛ do yapondɛɛɡa a sie aa swɛɛra, dɛ do ɡimeɡime ne answɛɛma peihpeih, dɛɛ do baŋa kwa, ne deŋna kwa, ne nɔnloɡa baa kpɔ suuɡaswɛm dɛ bwedɛɛɡa bwa soo siwi ɛa la,

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.

Wepila 17:4

Haah la di toli dɛ do laaladɛɛɡa, ane swɛɛ a sie do ɡimeɡime, ane ɡe swɛɛ peihpeih dɛ do wer. O do baŋa kwaa ne deŋna kwaa ne nɔnloɡa baa kpɔ suuɡaswɛm ne bwedɛɛɡa bwa soo siwi ɛa, dɛ kpoŋe suuɡaswɛm luwee, wedoŋa ne jwamane we-ɛɛla suu.

Amanesoma Luk Aa Chwera Tɔn 16:1

Yeesu ŋɔ o habɔteŋra la be ŋɔ, “Baa bɛlee fa lole dɛ ɛ kondɔɔh, dɛ kpɔ o kwaa bwa do o bonɔɔ bɛl nɔn ta ŋɔ wɛ́ɛ nyiŋi a ta. Belaa nɛra ka ŋɔ suuɡate la be ŋɔ o bonɔɔ la dɛ di o suuɡa saɡasaɡa.

Amanesoma Mak Aa Chwera Tɔn 15:17

dɛ kpɔ yaswɛm bɛl kɛŋɔ ba bela kooyal tɔ Yeesu, dɛ kpɔ sɔɔhne sɔh kooɡbɛrɛ piu,

Ɛsekeɛl 16:13

Gɛɛ a do n kpɔ suuɡaswɛm ne suuɡapoŋa kwaa ɛɛ. Yapondɛɛɡa a yoɡ aa kpeɡa ba sɔh kwaa dawɛ a ta ɛ he yale. Mendɛɛɡa baa nama a kper kɛrɛdɛ ne tooh, dɛ ɔleve noo ɛ he kondikwa. He kpeɡo dɛ do wer kohona, dɛ ba ɛ haŋkooro.

Ɛsta 8:15

Mɔdekae aa le kooro sie bela dɛ kaa la, dɛ o do laalapoŋa ne laalaburum, dɛ berɛ do batakaare baa kpɔ yapondɛɛɡe ɛo dawɛ kɛŋɔ koolaala ken, dɛ pi suuɡaswɛm ɡbɛrɛdɛɛɡe bɛl. Asɛ Susa bwɛɛ tena la bwa ɡe ɛɛ moo silɛɛ ne.

Sitɔɔla 8:26

Suuɡaswɛm deŋna kwaa baa ba a ne la tɔɡre ɛɛ ɛ suuɡapoŋa kaɡboŋ lafraanuanɛɛ. Ba dɔ bwara kondɛɛɡa ne baŋa kwaa ne laala kɔla Midian koranar aa dɛ do, dɛ kwaa aa lɔ ba nyoɡmare baŋa baa wola a te kure ja.

Amanesoma Luk Aa Chwera Tɔn 15:13

A ta tɔpere bɛl dii, o bie bechala la yoɡ o te kwaa la bwa, dɛ kpɔ o suuɡa jo pua bojaŋ kaa. Waa laŋa la, o kaa ɛ suuɡa la saɡasaɡa ken.

Amanesoma Mak Aa Chwera Tɔn 15:20

Baa muɡli o baah tonɛ la, ba laa yaswɛm la foo o bwara ta, dɛ kpɔ o ɡbaɡba laala la doo, dɛ kpɔɔ le dɛɛ kaa dɛ́ ka kpaaro pɛl daɡaɡre ta.

Sɛɡla 31:22

O ɡbaɡbaa dɛ́ nyarɛ bombore dɛ́ kpɔ dɛɛ pa o chɔɔbɔr. O dɛ li yadɛɛɡa bwa soo siwi a yoɡ aa kpeɡa.

Amanesoma Luk Aa Chwera Tɔn 16:18

Nomɛlbwa waa vɛh o haah dɛ berɛ ka mo hanfale la, o ɛ wechɔɡa dɛ bɔ jwamane, asɛ nomɛlbwa ɡe waa mo haah o jaa aa vɛoh la, o ɡe bɔ jwamane.”

Amanesoma Luk Aa Chwera Tɔn 16:20

Dɛ baa bɛl ɡe lole dɛ nya, asɛ ŋwɛra ɛ o bwa baa yerɔ Lasorɔs. Ba yon kpɔɔ ka bil suuɡate la dem doonyoa,

Sɛɡla 14:24

Wejereme kondɔɔh o wejema, asɛ ɡɛne ɡe we-ɛɛla ɡel baa jemɔ.

Aesaya 3:23

ne diɡe, ne ba laalapoŋa andɛɛɡa, ne kwaa baa kpɔa dɛɛ tɔ ba nyuune, dɛ anɔ la baa kpɔa dɛɛ tɔ ba sie, a bwaa wɛɛ ba laa kpɔ.