Amanesoma Luk Aa Chwera Tɔn 15:13 - mzwDBL

¹³ A ta tɔpere bɛl dii, o bie bechala la yoɡ o te kwaa la bwa, dɛ kpɔ o suuɡa jo pua bojaŋ kaa. Waa laŋa la, o kaa ɛ suuɡa la saɡasaɡa ken.

Amanesoma Luk Aa Chwera Tɔn 15:13 Referans Kwoze

Jeremia 2:5

Waa Korowii aa dɛ bol laanee nɔ, “Bɔkwa waa n ne he naawa dɔ, asɛ ba vɛɛh mɛ dɛ berɛ habɔɔ kpo mɛ nɔɔ? Ba teŋɛ voɡa aa wola tɔnɔ dɔe nɛɛ dɛ berɛ nɛnsale.

Sɛɡla 29:3

Nomɛlbwa waa dɛ nyin wejema la, o mɛɛ sie dɛ lɛ, kɛ nɛn o ne haahna baa dɛ bɔ jwamane nyoa aa pɛa la, dɛ he o kondɔɔh.

Sɛɡla 21:17

He dɛ nyin silɛɛbɔra kohona naa, nyae hɛɛ nya. Gɛɛ dɛ he dɛ nyin sen ne kondikondɛɛɡa aa, a do dɛɛ tɛɛ.

Sɛɡla 28:7

Biwejeremee dɛɛ teŋɛ Mmara ta, kɛ onɔ la o ne nɛnsale aa dɛ valɛ la te, kpɔ sihiih dɛɛ kpo o mɛɛ.

Amanesoma Luk Aa Chwera Tɔn 16:19

Yeesu berɔ ŋɔ, “Baa bɛlee fa lole dɛ dɔ suuɡa, dɛɛ do laaladɛɛɡa dɛ dɔ kwaa nɔ bwa, asɛ dɛɛ di kondɛɛɡa tɔpere bɛlbwa, dɛɛ lɛ o sie tenten.

Amanesoma Luk Aa Chwera Tɔn 16:1

Yeesu ŋɔ o habɔteŋra la be ŋɔ, “Baa bɛlee fa lole dɛ ɛ kondɔɔh, dɛ kpɔ o kwaa bwa do o bonɔɔ bɛl nɔn ta ŋɔ wɛ́ɛ nyiŋi a ta. Belaa nɛra ka ŋɔ suuɡate la be ŋɔ o bonɔɔ la dɛ di o suuɡa saɡasaɡa.

Amanesoma Luk Aa Chwera Tɔn 15:30

Kɛ he bie nɔ waa kaa chɔɡ o suuɡa haahna nɛɛ dɛ ba nɔ, he berɔ ɡarɛ kpo nabidɛɛɡe tɛo.’

Maeka 6:3

N nɛra Israel tena, bɔkwa waa n ɛ heya ɔ? N ɛ heyaa waane dɛ jo he nɛɛ kɛɛ? Hé chaŋ mɛ.

Jeremia 2:31

He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Aesaya 56:12

Ba yon ŋɔ dɔŋa be ŋɔ, ‘Hé ɡel ya nyin sen nyɔ! Hé ɡel ya nyɔ seŋkpeɡa dɛ́ dɛɛ. Ásɛ kere ɡe yá ɛ ɡɛ ja, á ɡwaa fini kwara.’ ”

Aesaya 30:11

Hé ɡel ɡɛ haa dɛ ɛ la. He bɛ Israel Nɛŋɡoroŋ la waa bol ya be kpa.’ ”

Aesaya 22:13

Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Sɛɡla 27:8

Gɛ jumbie yon ir le o kɔr ta dɛ kaa la, ɡɛɛ nɛn waa jo pua kaa dɛ ɡel o dem la do.

Sɛɡla 21:20

Nɛn waa jemɛ waa la dɛ́ dɔ kondɔɔh ne kondɛɛɡa, kɛ ɡɛnee dɛɛ chɔɡ o kwa.

Sɛɡla 18:9

Bɔhwaah aa toma ɛɛ nyin, o dɔŋee nɛn waa dɛ chɔɡ kwa.

Sɛɡla 6:26

Hɛɛ won kpɔ kondikwaa tamaa ken dɔ hanjwamane. Kɛ dɛ he dɛ nyin nomɛl haah tenaa, komɛlbwa dɛ le he nɔn ta.

Yela 73:27

Nɛra baa berɛ habɔɔ kpoe la bwa ɛɛ serewoo, ɡɛɛ nɛra baa wola he waa ta teŋɛ la, hɛɛ ba ɡela ba ɡe serewe.

2 Pita 2:13

Wahala baa ɡela nɛra ɛɛ na la, ba ɡe ɛɛ na a dɔŋaa. Waa ba sie aa dɛ lɛ a taa kɛŋɔ ba bodia waa baa dɛ ɛa bochaah la. He ne baa pɛa dɛɛ di kwaa nɔ, ba do kɛ doŋa dɛɛ chɔɡ he wer. Ba sɔɔh dɛɛ ɛ bodia waa he habɔɔ taeh.

Ɛfesos 2:17

O baa baɡle he nɛra haa wola Juu tena ɛɛ, he ne Korowii baah fa aa jaŋa la, ne Juu tena ba ne Korowii baah fa aa wola jaŋɛ la bwa amanesoma kɛŋɔ nyopɛo balɔ.

Ɛfesos 2:13

Kɛ taraken he banɔ la he ne Korowii baah fa aa jaŋa la, Korowii koh Yeesu Kristo seo waa sewa, asɛ he ne o won pɛ la wa, dɛ kpɔ heyaa ba o be.

Amanesoma Luk Aa Chwera Tɔn 15:12

O bii la bini ombechala la ŋɔ o be ŋɔ ó bɔne o kpanjoɡo bini, ásɛ dɛ tɛo o bɔr. Asɛ baa la bɔne o kpanjoɡo la bini tɛ o bii la, dɛ kpɔ o bie bechala la bɔr tɛo.

Amanesoma Luk Aa Chwera Tɔn 15:14

Waa baa di suuɡa la bwa la, a ta tɔpere bɛl dii, asɛ lɔrjen bɛl chole harɛ la ta bela waa lole la, dɛ o ta suuɡa dɔe, o ta kondikwaa ɡe dɔe dɛ́ di.