Amanesoma Luk Aa Chwera Tɔn 14:27 - mzwDBL

²⁷ Nomɛlbwa waa wola won kpɔ o te tɛ, dɛ sɛh wahala nae ne seo bwa, dɛ teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la waa won ɛ n habɔteŋre.

Amanesoma Luk Aa Chwera Tɔn 14:27 Referans Kwoze

Matiu 10:38

He naate haa wola he te kpɔe tɛ dɛ sɛh wahala nae ne seo bwa, dɛ baa teŋɛ n nɛ kɛŋɔ nɛn waa kpɔ daɡaɡre che bá ka kpaaro pɛl o ta la ta chɛɛ kɛŋɔ he teŋɛ n nɛ.

Amanesoma Mak Aa Chwera Tɔn 10:21

Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

2 Timoti 3:12

Kasinteŋ, nomɛlbwa waa dɛ nyin kɛ o ne Yeesu Kristo pɛ o soɡa bini o waa su Korowii siwi la, baa ɛo hɔhɔrɔwaa.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Matiu 13:21

Kɛ waa la aa wola ban jooɡe la ɡelɔ aa won ba nyu bini ka. A cheɡɛ Korowii waa ta waane puu ba, asɛ nɛra ɡe ɛɛ ba hɔhɔrɔwa aa, dɛ ba horɔ.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Amanesoma Jɔn Aa Chwera Tɔn 19:17

Ba kpɔ Yeesu le koodem bela dɛ ɡel o che daɡaɡre baa dɛ ba o kpaara pɛl o ta la, dɛ ba tel bobɛl baa dɛ yerɛ bela Nyuhoɡ Bɔr, asɛ Juu tena wobol ta, ba ɡe ɛɛ yerɛ bela Gɔlɡɔta.

Amanesoma Mak Aa Chwera Tɔn 15:21

Baa dɛ kaa la, ba kaa na Seemɔn waa le Sairini, dɛ o le bobɛl dɛɛ ba. Ba ɛɡro o lɛ Yeesu daɡaɡre la che. Dɛ a ɡɛ Seemɔn la biirii Alɛksanda ne Rufus.

Amanesoma Luk Aa Chwera Tɔn 14:28

Dɛ he bini bɛl dɛ nyin kɛ o do dejaŋ aa, waa nyiŋi na kɛŋɔ o dɔ suuɡa aa dɛ ba wona tel la aa?