Amanesoma Luk Aa Chwera Tɔn 14:22 - mzwDBL

²² A ta biɡre bɛlbwa bonɔɔ la ba dɛ ba ŋɔ o dɔɔ la be ŋɔ, ‘N la he tom la, kɛ sobɔra ane ta chɔ le pɛɛpɛɛ.’

Amanesoma Luk Aa Chwera Tɔn 14:22 Referans Kwoze

Amanesoma Jɔn Aa Chwera Tɔn 14:2

Deene lɔ n Mɛɛ Korowii dem taeh. Dɛ ɡɛ laa a do aa, n fe aa he bee ŋɔ n dɛ la ka kwaa sobɔr cheɡ heyaa bela.

1 Jɔn 2:2

Onee koh ya wechɔɡa waa dɛ sewɛ tɛ yaa dɛ kwaa ya ne Korowii baah. Ya ɡbo wechɔɡa waa laa o sewɛ. Nomɛlbwa waa lɔ harɛ nɔ ta bwa jao.

Kolosi 2:9

Yeesu Kristo ɛ Korowii ɡbaɡba. O ba harɛ nɔ ta dɛ ba berɛ nɛwɛnyini.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Yela 130:7

Israel tena, hé kpɔ he hwɛɡa bwa do Korowii nɛ, dɛkalkɛ o nyina ta jaɡa dɔe, dɛ́ sɛh kɛ saŋ bɛlbwa wɛɛ lɛ heyaa.

Yela 103:6

Korowii bol nɛra baa dɛ fiɡ ba waa dɛɛ tɛɛ ba, dɛ ɡel baa dɔ waa aa chɛ kɛŋɔ bá dɔ.

Amanesoma Luk Aa Chwera Tɔn 14:21

Asɛ bonɔɔ la la dɛ ka ŋɔ o dɔɔ la be ɡɛ baa bola la. Anee o dɔɔ la baah di, o ŋɔ o bonɔɔ la be ŋɔ, ‘Ɛ warane kaa fɔɡbaah ne lomoola ta, dɛ́ ka yerɛ nyaara ne boobie ne nyoŋa ne nɛra ba nakpale aa teŋna ásɛ ba ba di kwaa la.’

Amanesoma Luk Aa Chwera Tɔn 14:23

Anee o berɛ ŋɔ bonɔɔ la be ŋɔ, ‘La ŋwɛnɛre ta ne dahare, nomɛlbwa haa nao la, lawɔ ba ásɛ n dem bonɔ su.