Amanesoma Luk Aa Chwera Tɔn 13:4 - mzwDBL

⁴ Yeesu berɔ ŋɔ, “Asɛ nɛra fi dɛ banuatoro bane dejaŋ bɛl aa kua chole ba nɛɛ Siloam ba bwa serewe la ɡeɔ? He liire dɛ ɛ heyaa kɛ ba wechɔɡa ɡwaa nɛra baa lɔ Jerusalam bwa kwaa kɛɛ?

Amanesoma Luk Aa Chwera Tɔn 13:4 Referans Kwoze

Nehemia 3:15

Kol Hose bibaa Salum o fa aa ɛ Mispa harɛ nomoa laanee kwaara ma Nee Nyu Doonyoa. O tɔɔ dɛ do ɡbeni o nyoa, dɛ do bune baa kpɔ dɛɛ kara. Onee bera kwaa ma danjwɛɛ waa bar Siloam tam, waa bɛne Kooro bodɛɛɡe waa du daa jwɛh. O mao ka tel kwaa baa kpɔ a ta tu dɛɛ le Kooro Devid Bwɛjen la ta.

Job Tɔn 1:19

asɛ peukpeɡ den ta le pua hɛŋle ɡbo harɛ ta dɛ ba lɔ dem la, o bwa ku chole ba nɛɛ ba bwa serewe. N ɡboo wona le a nyoa, dɛ baa bol he be la.”

Amanesoma Jɔn Aa Chwera Tɔn 9:11

Belaa o ŋɔ, “Baa la baa dɛ yerɔ Yeesu laanee ta nentane dɛ teɡɛ a ne teera pɛ dɛ kpɔ fɔɡɛ n sie, dɛ ŋɔ ń la Siloam ta dɛ ka samɛ ta. Asɛ maa laŋa dɛ ka samɛ la, buɡ la ta, mɛɛ na la.”

Amanesoma Jɔn Aa Chwera Tɔn 9:7

Asɛ dɛ ŋɔ, “La tam la baa dɛ yerɔ Siloam la ta dɛ́ ka samɛ he sie.” Gɛ sɔn Siloam la munii kɛŋɔ “Ba tomɔ.” Waa laŋa dɛ ka samɛ o sie la tonɛ la, dɛ o dɛ na, dɛ berɛ ba buse.

Matiu 18:24

Waa pa mun dɛɛ nyiŋi ba toma ɛɛ bini la, a taa o na kɛ bonɔɔna la bɛl di o kem suuɡa aa wola nyoa dɔe.

Matiu 6:12

dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la.

Amanesoma Luk Aa Chwera Tɔn 11:4

dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la. Dɛɛ ke yaa wechɔɡa luɡri ta.’ ”

1 Koranar 20:30

Siiria tena baa kaa la chwao kaa bwɛjen Afɛk ta, asɛ danjwɛɛ baa maa bar bwɛɛ la chole, nɛra kaɡboŋa fifraanɛ dɛ banuanɛ nɛɛ dɛ kpoo ba. Kooro Bɛn Hadad chwao jo bwɛjen la bini dɛ ka sɔh dejeɡa bɛl bini dem bela.

Aesaya 8:6

“Jerusalam tena aa vɛh nyiŋa maa dɛ nyiŋi ba nɛɛ bɔeeh kɛŋɔ Siloa nenabɔɔ aa dɛ palɛ bɔeeh, dɛ dɔ silɛɛ Kooro Resin ne Kooro Pɛka nɛɛ kɛŋɔ bá ba cha ba nomanta,

Amanesoma Luk Aa Chwera Tɔn 13:3

N dɛ ŋɔ he be ŋɔ, ɡɛ laa a do. Dɛ he ta he liire charɛ le he wechɔɡa ta naa, he bwa ɡee serewoo.”

Amanesoma Luk Aa Chwera Tɔn 13:5

N dɛ ŋɔ he be ŋɔ, ɡɛ laa a do. Dɛ he ta he liire charɛ dɛ le wechɔɡa ta naa, he bwa ɡee serewoo.”

We-ɛɛla 28:4

Bela tena la aa na harɛkon la Pɔɔl nɔn ta saɡa la, dɛ ba dɛ bol dɔŋa be ŋɔ, “Baa nɔ maɡaa kpo nɛn! Na waa le seo nyoa mpo ta asɛ o wechɔɡa taa ti o luɡe ɡɛ!”